Title : 22. Недела по Педесетница – За богатиот и сиромавиот Лазар (17. 11. 2019)

22. Недела по Педесетница – За богатиот и сиромавиот Лазар (17. 11. 2019)

Example Admin User · 3 months ago

    0 minutes, 0 seconds


Свето евангелие според светиот апостол Лука

16:19-31

19. Еден човек беше богат и се облекуваше во порфир и свила, и секој ден живееше раскошно и се веселеше.

20. Имаше исто така, и еден сиромав, по име Лазар, кој струплив лежеше пред вратата негова;

21. и сакаше да се нахрани со трошките што паѓаа од трпезата на богатиот; и кучињата доаѓаа и ги лижеа раните негови.

22. Умре сиромавиот и ангелите го однесоа во крилото Авраамово; умре и богатиот и го погребаа.

23. И во пеколот, кога беше во маки, ги подигна очите свои и го виде оддалеку Авраама и Лазара во крилото негово,

24. и, откако извика, рече: »Оче Аврааме, смилуј се на мене и прати го Лазара да го накваси својот прст во вода и да ми го разлади јазикот, оти многу страдам во овој пламен!«

25. Но Авраам рече: »Синко, сети се, дека ти си го добил своето добро уште додека беше жив, а Лазар злото; сега, пак, тој се утешува, а ти страдаш.

26. Освен тоа, меѓу вас и нас постои голема провалија така што оние, кои би сакале да дојдат при вас, не можат; а исто така и оние оттаму – при нас.«

27. А тој пак рече: »Тогаш те молам, оче, прати го во татковата ми куќа,

28. зашто имам петмина браќа, та да им посведочи, за да не дојдат и тие во ова место на маките!«

29. Авраам му рече: »Тие го имаат Мојсеја и Пророците; нив нека ги слушаат!«

30. А тој рече: »Не, оче Аврааме, туку, ако некој од мртвите отиде при нив, тогаш ќе се покајат.«

31. Авраам му рече: »Штом Мојсеја и Пророците не ги слушаат, тогаш и да воскресне некој од мртвите, тие нема да му поверуваат.«“

+++

Гледаме дека богатиот нема име, а сиромавиот има – Лазар, односно гледаме дека првиот нема личносен однос со Бог, а вториот има.

Гледаме дека преку себичните уживања од овој свет се стигнува до пеколот, а дека преку трпењето на страдањата со благодарност се стигнува до Рајот.

Гледаме дека пеколот е место на големо и осамено страдање, а дека Рајот е место на голема утеха и заедница.

И гледаме дека нема премин од пеколот кон рајот, и обратно. Додуша, ни разговор нема – ни во самиот пекол, ама ова е доволна педагошка порака, како материјал за размислување и мотивација за неверните, робовите и за наемниците.

Што е битно за оние што сакаат да станат деца Божји од денешното евангелско четиво? (види: Лука 16, 19–31).

Објаснувањето на овој дел:

„Авраам му рече: ’Штом Мојсеј и Пророците не ги слушаат, тогаш и да воскресне некој од мртвите, тие нема да му поверуваат‘“ (Лука 16, 31).“

Source: https://pokajanie.mk/2020/11/04/2019-17-11/

Share:

Example Admin User

All author posts

Related Posts

Image Description
6 months ago

Што празнуваме во Великата Седмица?

Која е Велика Седмица? Великата Седмица е неделата пред Пасха (од неделата на Цветници па до Велика Сабота) и се нарекува „Велика“, не затоа што има повеќе денови или часови од другите седмици, туку затоа што настаните кои се празнуваат и доживуваат во светите храмови се с...

Image Description
6 months ago

За осудувањето (2)

Ава Исак Тивејски дошол во киновијата и видел еден брат кој паднал во грев, па го осудил. Кога се вратил во пустината, дошол ангел Господов, застанал пред вратата на неговата ќелија и му велел: нема да те пуштам да влезеш. Авата го молел, велејќи: која е причината за ова? Ангелот му одговорил: Бог м...

Image Description
1 month ago

ПРЕП. ГАВРИЛ СВЕТОГОРЕЦ ЕПИСКОП ВЕЛИЧКИ

ПРЕПОДОБЕН ГАВРИЛ СВЕТОГОРЕЦ ЕПИСКОП ВЕЛИЧКИ Епископот Велички Гаврил е роден во 1926 година во Штип од Православни родители Методиј ( подоцна, со монашко име, Кирил) И Горица Парнаџиеви.Уште како млад се карактеризирал со посебна кротост и послушност. Во учењето бил остроумен и со посебен наследе...