август 2021 г
Измина една година од апелот и иницијативата
за возобновувањето на уште еден свет храм, посветен на Свети Никола Чудотворец.
Да бидете во тек, да ве информираме чесно дека во текот на оваа измината година се собраа:
67600 денари, а на девизната сметка 437 евра,
Фала на верните браќа и сестри. Свети НИкола да се моли на Бога за нив!
Најнова вест и радост ни е, деновиве, што големиот, а млад човек и верник, брат Дарко МИхлијанов се понуди да помогне преку својата градежна фирма.
https://m.facebook.com/darko.mahlijanov
Благодарност на сестра Марија Рунтева – архитект која на почетокот безусловно се понуди за помош, заради почит кон Свети Никола и Бога.
.
……….
Еве, да ве потсетиме на апелот кој лани го објавивме, во скромно очекување дека и понатаму скромно ќе ни помагате во ова дело.
…………………………………………………………
2.август 2020г.
Драги наши браќа и сестри – православни христијани и верници и сите останати луѓе!
Во името на иницијативниот одбор, а со благослов на Митрополит Повардарски Агатангел, ви го упатуваме овој апел и молитвена молба за помош, за да го исполниме сонот на мнозина од нас, безусловно и љубовно да послужиме на Бога, па сите заедно да земеме учество во возобновувањето на уште еден свет храм, посветен на Свети Никола Чудотворец.
Нека биде за радост и сведоштво на идните поколенија.
У
рнатините од црквичката се наоѓаат во село Ветерско, на подножјето на Градиштанската планина, на 16 километри од Велес. Се претпоставува дека црквата е разорена од турците и маџирите – бегалци, возонбовена во 20. век.
Тажна е глетката денес на ова свето место.
Успеавме со скромни сили ние, иницијативниот одбор, да изработиме идеен проект за нејзиното возобновување.
Благодарност до браќата кои безусловно помогнаа во тоа.
И тука застанавме. Толку ни се силите и можностите 🙁
Ни треба подршка и помош за уште многу фази до реализација на крајната цел – да блесне уште еден храм во слава на Бога, црквата Свети Никола како заеднички наш подвиг.
Да оживее духот православен, преку богослуженија во него, за да се спасуваме преку Светата причест и молитвата кон Светителот, за тој пак, Свети Никола, да се застапува и моли за сите нас кои ќе помогнеме, ама и за сите луѓе знајни и незнајни.
За оваа цел, ништо сами, ние неколкумина не можеме. Сета надеж ни е во вас, драги браќа и сестри, да помогнете спрема силите, а во слава на Бога и Свети Никола.
Со надеж во БОга, ви благодариме однапред. Нека го моли Бог Свети Никола за сите, за исцеление на душите и телата наши!
Вака би изгледало нашето заедничко дело !
Свети Никола на помош биди ни…
Број на жиро сметка…
Комерцијална банка АД Скопје
број на сметката 30000 7044714858
партија 44714866 Иван костовски
Подготви – ПОКАЈАНИЕ
Source: https://pokajanie.mk/2020/08/02/28638/
