Како овца Он беше одведен…

Како овца Он беше одведен…

Нема во Него ни изглед, ниту величие; ние Го видовме, и во Него немаше изглед, што ќе нè привлекува кон Него. Он беше презрен и понизен меѓу луѓето, маж на болки и свикнат на страдања, и ние го одвраќавме од Него лицето свое; Он беше презиран, и ние за ништо не Го сметавме. Но Он ги зеде врз Себе нашите болки и ги понесе нашите слабости; а ние мислевме, дека Он беше поразуван, казнуван и понизуван од Бога. А Он беше изнаранет за нашите гревови и мачен заради нашите беззаконија; казната за нашиот мир падна врз Него, а преку Неговите рани ние се излекувавме. Сите ние бевме заблудени како овци, се отстрани секој од патот свој, – и Господ ги возложи врз Него гревовите на сите нас. Он беше измачуван, но страдаше доброволно и устата Своја не ја отвораше; како овца Он беше одведен на колење, и како што е јагнето пред стрижачите свои безгласно, така и Он не ја отвори устата Своја. Он беше лишен од праведен суд. Но родот Негов Кој ќе го објасни? Зашто беше одземен од земјата на живите; заради беззаконијата на Мојот народ беше осуден на смрт. (Ис. 52,2б – 8)

Не само некои од нас, туку сите ние бевме заблудени како овци. Не само Јуда, ниту само Пилат, ни само Евреите, ниту римските војници или насобраната толпа од евангелските сведоштва на Христовите страдања. И затоа денес Богочовекот, како еден од нас, како овца, го востановува Патот назад кон нас, дозволувајќи Самиот да биде одведен во Неговото смирение по Крсниот Пат.

Исмејување на Христа

Денес, додека со Црквата плачеме во подножјето на Господовиот крст, велам: „Ти благодарам, Господе. Ти благодарам што низ сѐ мина, низ темнина и смрт и пекол, за оттаму да ни отвориш пат во новиот живот и во светлина, во Тебе“. Се надевам дека денес уште еднаш ќе го прифатам Твојот нов пат, Крсниот пат, во смирение и благодарност кон Тебе.

Господи Исусе Христе, Сине Божји, помилуј ме мене, грешниот.

Сестра Васа Ларин