Промовирана книгата „Несвети, а свети и други раскази“ од Епископот Тихон

Example User · 3 years ago

    2 minutes, 41 seconds



Скопје, 04 октомври 2016

НУБ „Свети Климент Охридски“


"Промовирана книгата „’Несвети, а свети’ и други раскази“ од Епископот Тихон"

 Денес, 4 октомври 2016 год., во просториите на НУБ „Св. Климент Охридски“ во Скопје, во свечена и срдечна духовна атмосфера се одржа промоцијата на македонското издание на книгата „’Несвети, а свети’ и други раскази“ во издание на Кумановско-осоговската епархија на МПЦ-ОА.


На промоцијата, покрај авторот, Преосветениот Јегоревски Епископ г. Тихон, присуствуваа и Архиепископот Охридски и Македонски, Неговото Блаженство г.г. Стефан, Високопреосветените Митрополити Преспанско-пелагониски г. Петар, Повардарски г. Агатангел, Брегалнички г. Иларион, Тетовско-гостиварски г. Јосиф, Кумановско-осоговски г. д-р Јосиф, Преосветениот Епископ Хераклејски г. Климент, Претседателот на Р.М. проф. д-р Ѓорге Иванов, Амбасадорот на Руската Федерација Н.Е. г. Олег Шчербак, Ректорот на Универзитетот „Св. Кирил и Методиј“, проф. д-р Никола Јанкуловски, поранешниот Ректор проф. д-р Велимир Стојковски, Деканот на ПБФ „Св. Климент Охридски“, проф. д-р Ѓоко Ѓорѓески, директорот на НУБ „Св.Климент Охридски“, г. Иван Заров, свештеници, монаси, академици, професори, студенти, ученици и верници од повеќе градови од земјата.

 

Книгата, со благослов на Митрополитот Кумановско-осоговски г. д-р Јосиф, на македонски јазик ја преведе м-р Златко Дивјаковски. Досега, покрај на македонски, е преведена и на голем број светски јазици: англиски, грчки, кинески, фински, француски, романски, шпански, италијански, бугарски, српски и полски јазик. Изданието на руски јазик е продадено во над 2 милиони печатени и над 4 милиони електронски примероци, и е добитник на наградата Книга на годината за 2012.


„Несвети, а свети“ е роман мозаик за човечките судбини во тој, како што вели авторот, епископот Јегоревски г. Тихон (Шевкунов), викар на патријархот Московски и на цела Русија, „прекрасен свет, каде се живее според сосема различни закони отколку во обичниот живот, свет, бесконечно светол, полн со љубов и радосни откритија, надеж и среќа, искушенија, победите и поразите, смислата на нивното значење, и најважното – за моќната демонстрација на сила и Божјата помош, јас сакам да раскажам во оваа книга“.Ова го истакна проф. д-р Ѓоко Ѓорѓевски, промотор на книгата. „На безмалку 600 страници во 60-тина раскази, посочи Ѓорѓевски, раскажани се прекрасни човечки приказни, еден вид дневнички записи од средбите на авторот со секојдневни, но исклучителни личности.“

 

 Епископот Јегоревски, г. Тихон рече дека деновите кои ги поминал тука во Република Македонија биле денови на откритија, на прекрасни моменти на историјата, на изненадувачки нијанси на земјата и прекрасни луѓе.


– Разбирам дека треба да се направат напори ова богатство на кое вие сте наследници, да им биде познато на сите ППЦ: на православните Цркви, и словенскиот народ, и на сите народи, на целиот православен свет, истакна г. Тихон.

Вашата Црква, нагласи Преосветениот Епископ, има што да им даде луѓето, ќе им даде многу богатство, особена душа и особена љубов.


По промоцијата се одржа мал концерт на духовна музика со настап на хорот „Хармосини“ и рускиот квартет под раководство на Галина Георгиева, а посетителите имаа можност да ја разгледаат изложбата посветена на историјата на Московската Патријаршија, подготвена за овој повод. (KOE)

 

 

 

 

 

 

 

 

КОЕ(м.ј.)/Преминпортал (к.т.)

Друго:

д-р Ѓоко Ѓорѓевски - Слово кон книгата на епископ Тихон Шевкунов „Несвети, а свети“

Епископ Тихон Шевкунов: „НЕСВЕТИ, А СВЕТИ“ (извадок)

Издавач: Кумановско- осоговска епархија 2016

Со благослов на митрополитот Кунмановско- осоговски

Г. д-р Јосиф

Source: https://preminportal.com.mk/duhovnost/nastani/18108-promovirana-knigata-nesveti-a-sveti-i-drugi-raskazi-od-episkopot-tihon

Share:

Example User

All author posts

Related Posts

Image Description
3 years ago

Во Пакистан започна градбата на првиот православен храм

ВО ПАКИСТАН ЗАПОЧНА ГРАДБАТА НА ПРВИОТ ПРАВОСЛАВЕН ХРАМ Како што соопштува  The Orthodox Church, во Пакистан започна градбата на првиот православен храм. Минатата недела беа осветени темелите за новиот храм и започна неговата градба. На чинот на осветувањето присуствувале и претставниците на му...

Image Description
3 years ago

Нов Закон за свештениците во Турција

Министерството за образование и верски прашања на Турција воведе  измена на законодавството за Грчкото православно свештенство. Новиот закон стапи на сила на 1 март 2013 година. Православните свештеници во Турција, кои се во клирот на Цариградската Патријаршија, сега материјално-финансиски ќе...

Image Description
3 years ago

АПЕЛ ЗА ЗАЕДНИЧКО ДЕЛО ВО СЛАВА НА СВЕТИ НИКОЛА!

август 2021 г Измина една година од апелот и иницијативата за возобновувањето на уште еден свет храм, посветен на Свети Никола Чудотворец. Да бидете во тек, да ве информираме чесно дека во текот на оваа измината година се собраа: 67600  денари, а на девизната сметка 437 евра, Фала&nb...