Црква „Св. Климент Охридски“ – Скопје

Црква „Св. Климент Охридски“ – Скопје

Црква „Св. Климент Охридски“ – Скопје

Локација: Центар

Област: Општина Центар

Регион: Скопско


Каменот-темелник е поставен на 23 април 1972 година. Црквата е од тип ротонда, со димензии 36 x 36 m. и се состои од само од куполи и лакови, под кои е опфатена површина од околу 1000 m2. На тој простор може да се соберат речиси 6000 верници. Главната црква му е посветена на св. Климент Охридски, а долната црква на св. Богородица. Од капелите, едната им е посветена на Цар Контантин и царицата Елена, а другата на светиот маченик Мина. Кога ќе се влезе во внатрешноста на црквата, особено внимание привлекува иконостасот што е направен од дабово дрво. Основен мотив на резбата е флората- лозови листови, афионови булки и желади. Димензиите на иконостасот се 19,5 m должина и 12,5 m висина. Иконите што се сместени во него се насликани од Ѓорѓи Даневски и Спасе Спирковски.

Црквата одблизу

Под централната купола се наоѓа 3,5 m високиот архиепискописки престол. Двата стола спроти него се високи по 2 m и според каноните, се наменети за световниот владател и неговата сопруга.

Централната купола е со површина од 650 m². Фреските се дело на академскиот сликар Јован Петров со соработниците. Прв пат во светот Исус Христос е насликан на површина од 70 m², при што пречникот на едно око му е 1,5 m. Отстапувањето од каноните е тоа што пророците, наместо во стоечка положба се насликани во седечка положба. Второ отстапување од црковните канони е што се оставени големи проѕорци. За да се одбегне големо количество светлина поставен е кристален плексиглас, што во зависност од аголот под кој паѓа светлината создава прекрасни преливи на бои.

Осветлувањето на црквата се врши преку пет тони тешкиот полилеј што е поставен под централната купола. На него се наредени околу 400 светилки. Вториот полилеј, кој е во средината, виси над светиот престол во олтарот.

Врз основа на проектот што го подготви архитектот Славко Брезовски, изградбата почна на 23 април 1972осветувањето е извршено по повод 1150 годишнината од раѓањето на патронот, св. Климент Охридски на 12 август 1990 во времето на Архиепископот Охридски и Македонски Господин Господин Гаврил.

На 45 метри висока камбанарија, што се наоѓа во дворот, лево (на север) од главниот влез на црквата, се поставени 3 камбани. Најголемата е тешка 1000 kg, втората 500 kg, а третата 300 kg и сите се излеани во Австрија.

Фонтаната пред црквата е подарок од Исламската верска заедница.

Во дворот на Соборниот храм на 12 август 2007 бил поставен споменикот на архиепископот Господин Господин Доситеј, првиот поглавар на возобновената Македонска православна црква. Споменикот е висок околу два метра, а архиепископот Доситеј е претставен во природна големина. Се наоѓа во дворот на црквата од јужната страна. Споменикот е донација од скопскиот градоначалник Трифун Костовски, а го изработил академик Томе Серафимовски. Македонската православна црква го поставила овој споменик во чест на 8 Декември – православниот празник на св. Климент.