Title : Не секогаш се случува Тој веднаш да одговори на нашиот повик – Старец Софрониј Сахаров

Не секогаш се случува Тој веднаш да одговори на нашиот повик – Старец Софрониј Сахаров

Example User · 6 months ago

Молитвата е бесконечно творење, повозвишено од секоја друга уметност или наука. Преку молитвата ние влегуваме во општење со Беспочетното Битие.

Или поинаку кажано: животот на Самопостоечкиот Бог влегува во нас по тој канал. Молитвата е акт на најголема мудрост, на сенадминлива убавина и достоинство.

Молитвата е свет занес на нашиот дух.

Но патиштата на ова творење се сложени. Илјадници пати може да доживееме и огнено стремење кон Бога, и повторено отпаѓање од Неговата Светлина. Често и на повеќе начини ја чувствуваме неспособноста на нашиот ум да се вознесе кон Него; понекогаш ќе стоиме како на границата на некое безумие и со болка во срцето ќе Му ја исповедаме Нему нашата бедна состојба:

“Ти си ми ја дал Твојата заповед – да љубам, и јас ја примам со сето мое битие; но ете, во самиот себе не наоѓам сила за таа љубов… Ти си Љубов; дојди Самиот Ти и всели се во мене, и изврши го во мене сето тоа што си ни го заповедал нам, бидејќи Твојата заповед неизмерно ги надминува моите сили…

Мојот ум се измори во напорот да Те постигне. Мојот дух не може да проникне во тајната на Твојот живот… сакам во сè да ја творам волјата Твоја, но моите денови истекуваат во безизлезни противречности…

Стравувам да не Те изгубам заради злите мисли кои се во моето срце; и тој страв ме раскинува… Дојди и спаси ме мене кој потонувам, како што си го спасил Петар, кога се осмели да Ти појде во пресрет по морските води” ( Матеј 14, 28 -31).

Понекогаш ни изгледа дека молитвата дејствува премногу споро: несразмерно со краткоста на нашето постоење; и крик извира од градите:

“Побрзај!” Не секогаш се случува Тој веднаш да одговори на нашиот повик.

Како некој плод на дрво, Тој ја остава нашата душа да биде печена од сонцето, да поднесува удари од ладни и врели ветрови, да се мачи од жед или да поднесува поројни дождови. Но ако не ги испуштиме од нашите раце краевите на ризата Негова, ќе дочекаме добри резултати.

Неопходно е да пребиваме во молитва што е можно подолго време, за Неговата непобедлива сила да проникне во нас и да нè направи способни да се спротивставиме на сите разрушителни влијанија. И кога ќе нарасте во нас оваа сила, тогаш радоста на надежта за конечната победа засветлува во нас.

Молитвата неизоставно го востановува во нас тоа Божествено дишење кое “Бог го дувна во лицето на Адам” и со чија сила “Адам стана жива душа” (Битие 2,7). Преку молитвата нашиот прероден дух почнува да се восхитува на големата тајна на Битието. И силен наплив на восхит го заплискува нашиот ум:

“Битие! Каква чудесна тајна… Како е тоа возможно?.. Прекрасен е Бог, и творението Негово е прекрасно”. Ние ја доживуваме смислата на Христовите зборови: “Јас дојдов за тоа, живот да имаат (луѓето) и да имаат изобилие” (Јован 10, 10). Изобилие! И навистина е така.

Но секогаш одново и одново: овој живот е парадоксален, како што е парадоксално и целото учење на Господ: “Јас дојдов да фрлам оган на земјата, и колку би сакал да се беше веќе разгорел” (Лука 12, 49).

Сите ние, синови Адамови, неопходно е да поминеме низ овој небесен пламен, кој ги изгорува корените на смртоносните страсти. Поинаку не може да го видиме овој Оган претворен во Светлината на новиот живот, бидејќи заради нашиот пад горењето му претходи на просветлувањето, а не обратно. Значи, да Го благословиме Господ и за огногоречкото дејство на Неговата љубов.

Ние уште многу не знаеме, но сепак, иако само делумно (1 Кор. 13, 9), нам и сега ни е откриено дека за нас нема друг пат освен тој: да станеме “синови на воскресението” (Лука 20, 36), синови Божји, за да царуваме заедно со Единородниот.

Колку и да е болен процесот на нашето пресоздавање, низ какви и да било маки, па дури и агонии да нè проведува Бог – на крај сè ќе се покаже за благословено.

Ако за стекнување научна ерудиција е потребен долгогодишен, напрегнат труд, за стекнување на молитвата потребно е уште и неспоредливо повеќе.

Старец Софрониј Сахаров

Source: https://pokajanie.mk/2020/01/20/25980/

Share:

Example User

All author posts

Related Posts

Image Description
1 year ago

Значење на духовноста

Се стекнува впечаток дека духовноста, душевноста и религиозноста се наоѓаат на исто ниво според значењето и дека изразуваат сродно животно искуство. Духовноста во своето општо значење се одредува како внатрешен живот на човекот во неговиот верски израз. Согледувањето на стварите во просторот на хрис...

Image Description
1 year ago

Акатис во Кочани

{artsexylightbox singleImage="images/stories/29-03-19/1.jpg" path="images/stories/29-03-19/" previewHeight="150" previewWidth="200"}{/artsexylightbox} Акатис во Кочани На 29. 03. 2019 година, Неговото Високопреосвештенство Митрополитот Брегалнички г. Иларион, во Третата недела од В...

Image Description
2 years ago

БИДИ ЗА НАС СЕ`, ТЕБЕ ДА ТИ ПОСВЕТИМЕ СЕ` СВОЕ (Псалтир – преподобен Ефрем Сирин)

Како зеница во окото сочувај ме, Господе Боже, заштити ме и под крилјата Твои засолни ме од искушенија. Биди стражар на окото (мое), за да не гледа – лукаво; биди стражар на увото мое, за да не ја забележува – неправдата. Биди стражар на устата, за да не излезе од неа – клевета, осудување, хула, ни...