Title : „Создај чисто срце во мене, Боже” (Св. Јован Кронштадски)

„Создај чисто срце во мене, Боже” (Св. Јован Кронштадски)

Example User · 4 months ago

Размислувај за чистотата на срцето и барај чисто срце од Господа:

„Создај чисто срце во мене, Боже”, ако си сошил нова облека и ако ја облекуваш, помисли на обновување на духот и кажи:

„И нов и прав дух стави во мене, Господи” (Пс 50,10);

ако co омаловажување ја одложуваш старата облека, co уште поголемо омаловажување помисли на одложување на стариот човек, грешен, страсен и телесен;

ако вкусиш леб или слатки, помисли на вистинскиот леб кој на душите им дава вечен живот – на Телото и Крвта Христова, и биди гладен за тој леб, т.е. посакувај почесто co него да се причестуваш;

ако пиеш вода или чај, co мед или слатки, или некое друго пиење, помисли на вистинското пиење кое ja гаси жедта на душата разгорена од страстите – на пречистата и животворната Крв на Спасителот;

доколку се одмараш во текот на денот, помисли на вечната почивка за оние кои тука се борат co гревот, co духовите на злобата на поднебесјето, co човечките неправди, co незнаењето и co човечката грубост;

кога ноќе ќе појдеш да спиеш, помисли за смртниот сон, кој порано или подоцна, задолжително ќе ни пристапи на сите нас, и на онаа мрачна, ужасна, вечна ноќ во која ќе бидат фрлени сите непокајани грешници;

кога го дочекуваш денот, помисли на незалезниот, вечен, пресветол ден, многу посветол од овој наш сончев ден – на вечниот ден во Царството Небесно, во кое ќе се радуваат сите кои My угодиле на Бога или од сѐ срце се покајале пред Бога во овој привремен живот;

ако некаде одиш, мисли за правината на духовното чекорење пред лицето Божјо и зборувај:

„Управувај ги стапките мои според Твоето слово и не допуштај co мене да овладее никакво беззаконие” (Пс. 118, 133).

Доколку нешто работиш, обиди се тоа дело да го извршуваш co мисла за Бога Творецот Кој се создал co бесконечна премудрост, co Својата добрина, Својата семоќ, Кој и тебе те створил по својот образ и подобие.

Ако добиеш или поседуваш пари или некое богатство, помисли дека нашето неисцрпно богатство, од Кое потекнуваат сите богатства на душата и телото, нашиот Извор од кој непрекинато истекуваат сите богатства – e Бог, a тогаш заблагодари My од сѐ срце и не го заклучувај своето богатство кај себе, за да не си го заклучиш и влезот во твоето срце за непроценливото и живо богатство – за Бога.

Напротив, од своето богатство подели на оние на кои им e потребно, на своите сиромашни браќа, бидејќи тие и се оставени во овој живот, за ти, на нив, да би можел да ја докажеш својата љубов и својата благодарност на Бога и за тоа да се удостоиш во вечноста од Бога за да добиеш награда.

Погледнеш ли бел, сребрен сјај, т.е. сребро, не измамувај се co него, туку помисли дека и твојата душа треба да биде бела и да заблеска co делата Христови.

Ако пак видиш златен cjaj или злато, не измамувај се од него, туку помисли си дека твојата душа треба да стане како co оган исчистено злато и дека Господ сака и тебе самиот да те просветли како сонце во вечното, светло Царство на Својот Отец, помисли си дека ќе го видиш вечното, незалезно Сонце на правдата, Бог во Трите Ипостаси, Пресветата Владичица Богородица и сите небесни сили, и свети луѓе, исполнети co неискажлива светлина, како блескаат co излевање на светлина.

Пренесено од книгата “Како да достигнеме светост” од Св. Јован Кронштадски

Source: https://pokajanie.mk/2020/03/09/26989/

Share:

Example User

All author posts

Related Posts

Image Description
2 years ago

„Кој меѓу вас сака да биде поголем, нека ви биде слуга!“- Митрополит Струмички г. Наум /”Whoever among you wants to be greater, shall be servant to all!” – Metropolitan of Strumica Naum

Тогаш пристапија кон Него Заведеевите синови, Јаков и Јован, и рекоа: „Учителе, сакаме да ни направиш она што ќе побараме“. Он ги праша: „Што сакате да ви направам?” А тие Му одговорија: „Дај ни да седнеме до Тебе, едниот оддесно, а другиот одлево, во славата Твоја“. Но Он им рече: „Не знаете што б...

Image Description
6 years ago

Полската Православна Црква се враќа на Јулијанскиот календар

ПОЛСКАТА ПРАВОСЛАВНА ЦРКВА СЕ ВРАЌА НА ЈУЛИЈАНСКИОТ КАЛЕНДАР На 18 март, во резиденцијата на Митрополитот Варшавски и на цела Полска Сава, се одржа пролетното заседание на Архиерејскиот Собор на Полската Православна Црква, на кое било прифатено решение без преседан – за првпат во историјата на...

Image Description
3 years ago

Беседа за прoклeтствoтo на чoвeк кoј сe надeва на чoвeк (22.05.2017)

    Така вeли Гoспoд: „Прoклeт да e oнoј чoвeк штo сe надeва на чoвeк и кoј тeлoтo свoe гo смeта за сила, чиe срцe сe клoни oд Гoспoда” (Јeрeм. 17, 5) Кoга чoвeк сo срцeтo ќe oтстапи oд Гoспoда, тoгаш тoј, oбичнo, сe надeва на луѓeтo и вo сeбe, бидeјќи на кoгo тoгаш би сe надeвал кoга вeќ...