Викарен Епископ Јаков Стобиски: ВИСТИНСКА СРЕЌА

Example User · 2 weeks ago

    2 minutes, 22 seconds


TVIT34

(Обновено)

Викарен Епископ Јаков Стобиски:
ВИСТИНСКА СРЕЌА  

(14.01.2019)


Светото Предание на Црквата е израз на најавтентичниот нејзин живот и секогаш има длабока смисла, и секогаш без исклучок ја изразува и треба да ја изразува Црквата, бидејќи се раѓа и создава внатре, во нејзините прегратки. Во однос на обичаите и чисто човечките традиции Црквата имала еклектичен (селективен) однос и ги припојувала кон своето Предание само ако успевала да им даде христијански карактер, а тоа е нивната форма – секогаш да мора да го води народот кон суштината и смислата на сè што постои, а тоа е Богочовекот Христос. Исклучителен пример меѓу отците на Црквата за таквиот еклектизам е свети Василиј Велики.
           Затоа и ние, денес, во Црквата, сме должни да укажеме кога некои обичаи, туѓи на Црквата, сакаат да се наметнат како христијански и како црковни. Паричка во лепче или пита, во согласност со црковното Предание, се дели во чест и спомен на свети Василиј Велики или, поточно, во спомен на чудото што го направил самиот тој кога им го вратил на луѓето украденото злато и по неговите молитви на чудесен начин секој си го добил своето. Од друга страна, на некои места во нашиот народ постои слична пракса на Бадник, но во тој случај, кого и да прашате за смислата и значењето на таа пракса токму на Бадник, објаснувањата се крајно нецрковни, човечки и површни. Имено, оној кај кого ќе падне паричката ќе имал среќа, како среќата и сè што е добро да се некаква лотарија, а не Божји дар и благослов. Црквата, во својата Литургија вели: „Секој совршен дар слегува одозгора, од Тебе, Отецот на светлината“, a најголемите дарови Божји се кротоста, трпението, послушанието, смирението, љубовта кон ближниот итн.
            Се сеќавам дека на оној кај кого ќе паднеше паричката на денот на свети Василиј (Василица) во манастир, мојот Старец му велеше дека тоа значи дека таа година треба да биде најпослушен, најревносен, пример за смирение и кротост во братството, да ги носи и да ги покрива слабостите на другите итн. Гледате, воопшто не е тешко да се одвои Светото Предание на Црквата од сè друго што ѝ е туѓо. А, луѓето што кршат лепче на Бадник често велат: „во него ќе се парите“. Никој не може да ѝ даде христијанска димензија или толкување на таа нецрковна пракса. Вистинските радост и среќа произлегуваат од остварената благодатна заедница со Бог, и единствено тогаш човекот искрено се радува, бидејќи се чувствува и самиот остварен како боголика личност. Ние делиме леб или пита со паричка на овој ден во чест и спомен на еден таков великан на Црквата, кој до таа мера се соединил со Бог, до таа мера Го возљубил Бог, што самиот себе и целиот свој живот Му го принел Нему и на Црквата, и за себе не оставил ништо. Но, и Бог со Својата несоздадена благодат до таа мера го осветил, до сржта на коските негови, кои благоухаат и се чудотворни, и кои се удостоивме вчера да ги целиваме и да им се поклониме.
            Сè што правиме во Црквата е заедница и води кон средба помеѓу човекот и Бог, и сите луѓе во Царството Небесно. Само таа средба е извор на вистинска радост и среќа.


Свети оче Василие, моли Го Бога за нас!
- Викарен Епископ Јаков Стобиски

Source: https://preminportal.com.mk/duhovnost/besedi/25611-vikaren-episkop-jakov-stobiski-vistinska-srekja

Share:

Example User

Sit illo et occaecati blanditiis minus. Explicabo quia eius porro earum quis. Et nesciunt et nobis autem aut quod dolorem. Cumque est quas provident nemo nihil. Perferendis sequi in ipsa consequatur voluptatibus voluptatem. Sed assumenda ut cupiditate. Saepe et fuga maiores optio. Doloribus ea iusto dolore. Sed deserunt suscipit reprehenderit magni voluptatibus dicta. Unde aliquam sunt deserunt itaque. Nesciunt tempore molestiae qui et distinctio. Dolor quae aliquam nobis minus.

All author posts

Related Posts

Image Description
2 years ago

Митрополит Струмички Наум: Како одат работите... (22.11.2020)

. Како одат работите... (22.11.2020 14:30)Ѓаволот, полека но сигурно, го гради апокалиптичниот свет на илузијата. За таа цел најчесто ги користи таканаречените јавни личности или разни селебрити, како медиуми, односно преносители на неговата илузија, кои станаа урнек според кој целиот свет се сообра...

Image Description
1 year ago

Митрополит Струмички Наум: Сето тоа... не сум го запазил од младини (11.09.2021)

Митрополит Струмички Наум: Сето тоа... не сум го запазил од младини (11.09.2021 15:54) Во денешното eвангелие (Матеј 19, 16–26) може да се види како и зошто се одвива актот на самооправдување и какви се последиците од него.           Слободно можем...

Image Description
1 year ago

Дедо Наум – Гордиот разум не може да се потпре на довербата во Бог!

Неколку едноставни забелешки (07.02.2021 16:51) Гордиот разум не може да се потпре на довербата во Бог, на смирението и на послушанието кон духовниот отец, т.е. не сака да расте, зрее и осознава во Бог и преку Бог, туку самиот од себе и преку себе, и затоа му се потребни нови и многу информации...