Атинскиот Архиепископ Јероним изврши водосвет по повод почетокот на новата учебна година и упати порака до учениците и наставниците

Example Super-Admin User · 7 months ago

    2 minutes, 34 seconds


На 11 септември годинава, Неговото Блаженство Архиепископот Атински и на цела Грција г.г. Јероним, отслужи водосветот по повод почетокот на новата учебна година, во училиштето „Богомајка“, во Илиуполи, Атина.

По службата, Архиепископот  Јероним се осврна на Евангелското зачало што беше прочитано и им упати татковски желби и поуки на учениците и родителите. Говореше и за тешкотиите со кои се соочуваат децата, повикувајќи ги родителите и наставниците да бидат покрај младите со грижа, трпение и сочувство. Тој исто така советуваше да се побара Божјата Мудрост, бидејќи постојат два вида мудрост, човечката и божествената. „Човечката мудрост доаѓа од знаењата, искуствата, образованието,“ истакна архиепископот, додавајќи дека „таа сама по себе не е доволна. Потребна е и мудрост одозгора, таа што го осветлува човекот. Кога овие две мудрости ќе се спојат, тогаш е постигнат најдобриот резултат.“

Истовремено, во својата порака до учениците од основните училишта, архиепископот нагласи: „Во училницата ќе стекнете нови искуства, знаења и вештини, но ќе се соочите и со нови предизвици. Сето тоа ве подготвува подобро да се справувате со животот. Не плашете се од предизвиците. Верувајте во себе. Кажете си дека можете да успеете, доволно е да се потрудите. Кога ќе направите грешка, размислете што сте научиле од неа, за да не ја повторите. Не плашете се од грешките. И тие се дел од нашиот живот. Запомнете дека само Христос, нашиот Господ и Бог, не прави грешки. Пристапувајте кон вашите соученици со љубов. Соработувајте меѓусебно со разбирање и меѓусебна почит. Запомнете дека секој човек е различен, но сите сме еднакви како деца на истиот Бог Отец. Однесувајте се кон вашите соученици онака како што би сакале тие да се однесуваат кон вас. Ако некое дете ве растажи, наместо да се карате, подобро е да му кажете како сте се почувствувале поради неговото однесување. Љубете ја вистината и правдата. Однесувајте се со почит кон себе, кон другите луѓе и кон природата, која со љубов ја создаде нашиот Творец и Бог.“

Исто така, во својата порака до учениците од средните училишта, архиепископот подвлече: „Во време кога треба повторно да разгледаме многу од она што го сметаме за очигледно, она што можеме да го направиме е да го претвориме нашето училиште во жариште на мир и помирување, солидарност и заедничко патување. Во училиште каде насилството нема место. Не знам дали можеме да ги запреме војните во светот, но сигурно можеме да спречиме војната да навлезе во нашето училиште. Училиштето е место на средба со различни луѓе. Од тоа колку сме подготвени да ги прифатиме сите, без разлика дали се согласуваме или не со нив, но сепак ги прифаќаме нивното присуство, започнуваат мирот или војната, љубовта или насилството. Заедно со жедта за знаење и научно образование, оваа година да ги направиме нашите училишта лаборатории за мир, бели дробови на слободата, извори на братство и тимска работа.“

На крајот, во својата порака до наставниците, тој рече: „Знам дека вашата работа станува сè потешка, често во неподносливи и економски неповолни услови. Вистина е, никој не станал наставник за да се збогати. Сите вие сте водени од еден, би рекол, херојски порив: да ѝ помогнете на новата генерација да се образува, но и да созрее емоционално и социјално, да изгради здрави врски со училиштето, но и со пошироката заедница во која живее.“

Извор: https://www.ecclesiagreece.gr/epikairotita/main_epikairotita_next.php?id=3780

The post Атинскиот Архиепископ Јероним изврши водосвет по повод почетокот на новата учебна година и упати порака до учениците и наставниците appeared first on Литургија.мк.

Source: https://liturgija.mk/aktuelno/pravoslavni/atinskiot-arhiepiskop-jeronim-izvrshi-vodosvet-po-povod-pochetokot-na-novata-uchebna-godina-i-upati-poraka-do-uchenicite-i-nastavnicite/

Share:

Example Super-Admin User

Aut dolor fugit impedit incidunt. Unde repellat commodi illum voluptas. Quisquam consequatur autem quae ipsam. Corporis voluptate aspernatur minus omnis. Maiores aut fugit mollitia eaque. Praesentium facere alias dicta delectus et rerum. Dolorem animi cum cumque accusantium vel autem. Eos iste reprehenderit et odit eius voluptas modi. Sequi dolorum dolorem inventore saepe quibusdam. Impedit in est repudiandae consequatur fugit fugit. Dolorem et illum neque aut sint et.

All author posts

Related Posts

Image Description
3 months ago

Беседа на денот на Свети Серафим Саровски

 Беседа на денот на Свети Серафим Саровски  Во името на Отецот и Синот и Светиот Дух.Денеска го славиме денот на свети Серафим Саровски, еден од најомилените, најславните светци на Руската црква. Но, да се слави празникот на Светителот значи, пред сè, да се биде погоден од неговата духовна убавина,...

Image Description
9 months ago

Анализа на отец Јован (Џон Вајтфорд) за возобновувањето на чинот на ѓаконисите

Свештеникот Јован (Џон Вајтфорд) е родум Американец, православен свештеник во Руската задгранична православна црква во Тексас. Неодамна зеде учество во емисијата на американското православно радио „Ancient Faith Radio“, каде што беше дискутирана темата за ѓаконисите во Православната црква, која стан...

Image Description
9 months ago

Што мислеле Светителите за Светите Апостолите Петар и Павле?

 Што мислеле Светителите за Светите Апостолите Петар и Павле? Животот на двајцата потврдува: никогаш не треба да очајувате. Да, животот може да се започне одново ако овој живот е со ХристосПатот до Христос за Апостол Павле бил многу тежок. Откако веќе поверувал, веќе станал христијанин, со болка рек...