Отец Харалампиј Пападопулос: Не губи време…

Example User · 4 years ago

    2 minutes, 27 seconds


 

Zvonko.sv.Vasa10

Ќе ти кажам едноставно и човечки, од моето духовно ниво, кое е ниско и земно, зашто се уморив од сложени анализи.

Не очекувај животот да те праша дали и колку издржуваш. Тоа никогаш нема да се случи.

Не очекувај да се појават совршените услови, за да кажеш: „Ќе живеам!“. Живеј денес и грабни ги можностите што Бог ти ги дава како знаци на Своето присуство.

Не очекувај да се создадат идеални ситуации за да се насмееш. Секогаш ќе има едно „но“, коешто ќе остава горчлив вкус во твојата уста. Една причина да ропташ и да западнеш во меланхолија, за да уништиш сè и да престанеш да се смееш. Не ја троши радоста во лагата за утре. Тоа не постои.

Не очекувај да најдеш совршен татко или мајка, за да немаш рани.

Не очекувај да најдеш совршен сопруг, затоа што едноставно нема да го најдеш.

Не очекувај да создадеш совршени деца, зашто такви едноставно не постојат.

Не очекувај да сретнеш совршени пријатели, затоа што дури и ти не си таков.

Воопшто не барај совршенство во човечките работи. Еден тварен и тленен човек не може да прави нешто повеќе од грешки. Тоа е и неговата убавина – бидејќи е несовршен – го бара совршенството.

Не очекувај да ја најдеш идеалната работа, затоа што едноставно ќе останеш без работа. Не очекувај да стануваш секое утро и да велиш: „Колку е сѐ убаво, ќе одам на работа!“. Заборави. Сите луѓе имаат моменти во кои им е тешко, се досадуваат, се изморуваат и сакаат нешто друго, нешто различно од она кое рутината на секојдневието им го налага.

Не очекувај да најдеш совршен дом, за да се насладуваш на зајдисонцето. Погледни од прозорецот и види го. При потреба излези на терасата, но види го, не одложувај.

Не очекувај да имаш совршено друштво за да појдеш на прошетка. Тргни, макар и сам. По пат ќе сретнеш сопатници.

Не очекувај да ги добиеш сите одговори, за да секнат прашањата. Одговорите обично доаѓаат кога ќе престанеме да прашуваме.

Не очекувај да Го видиш Бога како едно „суштество“ кое излегува од небесата, подобно на холивудски филм. Тоа едноставно никогаш нема да се случи и ќе ја изгубиш можноста да Го сретнеш во секојдневието.

Совршенството Му припаѓа само на Бога.

Во овој живот, воопшто, не постојат совршени состојби, совршени услови, совршени лица. Тие работи се после крајот на овдешната претстава.

Оттука натаму што да правам? Можеме едноставно и без насилие да се помириме со нашата немоќ и несовршеност. Со моето и со она на другиот, на луѓето кои нè опкружуваат.

    Живеам како што можам и колку што можам, со славословие и благодарност. Многу јасно сфаќам дека не можам да имам или да направам сè. Никој не може да биде идеален. Дури и светците имаат свои „лоши денови“. И тоа е знак за тварноста и променливоста на овој свет. Она што е потребно е да не се разочаруваме во тие тешки моменти. Да не се самоказнуваме и да не ја губиме својата присебност. Ниту да брзаме и да сакаме да исчезне и да се избрише „злото“ што нè снашло. Бивајќи помирен со реалноста на животот и поврзан со Бога, започнувам полека, мирно и без внатрешно насилство да го правам она што можам и да издржам при секоја една околност. Ја соблекувам наметката на суперхерој и ја оставам зад себе нервозата на перфекционизмот. Живеам со своите грешки и точности, недостатоци и празнини кои го сочинуваат мојот живот. И како што вели Маро Вамвунаки: „Грешката не е право, таа е обврска! Треба да живееме…“.

Извор: otecharalampos.wordpress.com
Превод: Наташа Наумоска

Извор:

https://bigorski.org.mk/kolumni/ne-gubi-vreme/

 

 

 

Source: https://preminportal.com.mk/duhovnost/odgovori-na-sovremeni-problemi/23717-otec-haralampij-papadopulos-ne-gubi-vreme

Share:

Example User

Placeat id pariatur et eos et nostrum. Voluptas cupiditate non sunt. Iusto impedit dolorum eaque deleniti molestiae numquam praesentium. Voluptas eligendi nulla quo ipsa dicta maiores accusamus. Voluptate impedit et voluptas id magni. Magnam vero autem autem accusantium nesciunt. Sunt ad quas atque aut dolorum. Voluptatibus similique quidem culpa cumque quia officiis nisi.

All author posts

Related Posts

Image Description
3 years ago

Свети рамноапостолни Методиј и Кирил, Учители Словенски

 Свети рамноапостолни Методиј и Кирил, Учители Словенски23/05/2010 Житија     Светите браќа и словенски апостоли Кирил (со замонашувањето Константин) и Методиј, се родени во Солун.Раната младост ја поминале во Солун кој бил културен центар на Македонија. Солун бил двојазичен град...

Image Description
10 months ago

ВЕЛИКИ ПЕТОК - Синаксар

Стихови за распнатиот со Христа разбојник: Клучот на покајаниот разбојник ја отклучи рајската врата, кога рече: Спомви си за мене (Господи, кога ќе дојдеш во Царството Свое).

Image Description
4 years ago

Свети Јован Шангајски и ноќта на вештерките

Преку изучувањето на англискиот јазик или како дел од наставните содржини, најпрво како забава, а потоа како навика, во нашата традиција навлегоа и се одомаќинија многу туѓи и комерцијални „празници“, како „денот на вљубените“, „ноќта на вештерките“, „мартинки“ и многу други. И секоја годи...