ПОЛСКАТА ПРАВОСЛАВНА ЦРКВА СЕ ВРАЌА НА ЈУЛИЈАНСКИОТ КАЛЕНДАР
На 18 март, во резиденцијата на Митрополитот Варшавски и на цела Полска Сава, се одржа пролетното заседание на Архиерејскиот Собор на Полската Православна Црква, на кое било прифатено решение без преседан – за првпат во историјата на една Православна Црква, која се раководи според новиот стил, прифатено е решение да се врати кон стариот стил (Јулијанскиот календар).
„Во врска со фактот дека, мнозинството од парохиите на Полската Црква (96%) ги празнуваат црковните празници според стариот стил (Јулијанскиот календар), и по барање на верните, Архиерејскиот Собор го смени решението на Соборот од 12 април 1924 година за преминување на новиот, Григоријански календар, и одлучи да се врати кон Јулијанскиот календар, почнувајќи од 15 јуни 2014 година [н.ст.], во Неделата на Сите Светии“, – соопштува официјалната интернет страна на Полската Православна Црква.
Исто така, издадено е и соопштение дека, во оние парохии, каде што има неопходност, новиот стил може да биде сочуван заради икономија.
Source: https://blagovesti.wordpress.com/2014/03/31/polskata-pravoslavna-crkva-se-vraka-na-julijanskiot-kalendar/
