Старец Емилијан Симонопетриски († 2019): Помоли Го Христос да влезе во твоето срце

Example User · 4 years ago

    1 minutes, 52 seconds


Сите вие знаете – го знам и јас тоа – колку уморен е нашиот живот, претоварен со илјада работи кои нè интересираат. Откако видовме што прават светците на нашата Црква, барем да го правиме минималното што зависи од нас. Христос ги прифаќа и стотте, ги прифаќа и триесетте, ги прифаќа и петте (плодови) што ќе Му ги дадеш. Ако не можеш илјада пати, сто пати, педесет пати на ден да си спомнеш за Него, спомни си десет пати и кажи Му со љубов: „Христе мој!“ Не да Го молиш за твојата сиромаштија, за мајка ти, за твојата болест, за твојот успех. Не. Помоли Го да влезе во твоето срце. Не можеш десет пати на ден? Пет пати не можеш ли? Ако Го почувствуваш и Го поканиш, макар и два пати на ден, после еден месец ќе почувствуваш наслада и ќе започнеш да Го бараш десет пати на ден, после тоа дваесет пати, а после тоа веќе ќе започнеш да Го чувствуваш внатре, во твоето срце.

Детаљ од Бигорската книгохранителница (Фото: Ристе Стамаџиев)

Тоа го правеле светците кои имале големо срце. А ние што да сториме за да имаме маченички дух? Каде да го покажеме своето херојство?

Прво, меѓу тагите, болките, пречките, неуспесите, бурите на животот. Насекаде во животот среќаваме болка и помраченост. Животот ни е исполнет со болка. Во тие тешки моменти, кога ни доаѓа да кажеме дека Бог е виновен, ме заборавил – којзнае, можеби и да не постои Бог, или ако постои, тогаш Тој е суров, зошто да ме измачува вака, кога неверниците си живеат толку убаво – во тие тешки моменти да кажеме: „Слава Тебе, Боже“. Покажи дека си Христов маченик, дека ја прифаќаш со радост болката што ја среќаваш во својот живот.

    Покажи маченички дух таму, каде што е твоето секојдневно поле: во твојот дом, при својот сопруг, при својата сопруга. Кога сопругот се прибира од работа изморен и ти зборува неучтиво, ти не се разгневувај. Кога ќе те навреди, ти премолчи. Покажи му љубов, понизност, трпение. Ако жена ти го прегори јадењето, ти не брзај да викаш, изеди го. Стави малку лимон во него, за да стане повкусно и кажи ѝ: убаво е јадењето, за да не разбере дека изгорело. Нека царува љубовта дома. Кога гледаш дека твојот сопатник во животот постапува неправедно со тебе, ти не брзај да викаш дека си во право. Нема значење дали си во право или не, не е важно што е правилно, туку што сака другиот. Заборави за себеси, откажи се од себеси, постави го другиот пред себеси. Тоа значи смрт, тоа значи мачеништво – заради Христа.

Извадок од книгата: Архимандрит Емилиан, Усещане за Бога: Осем слова за духовното израстване, София 2011.
Превод: Наташа Наумоска

Извор:

https://bigorski.org.mk/slova/pouchni/pomoli-go-hristos-da-vleze-vo-tvoeto-srce/

Source: https://preminportal.com.mk/duhovnost/duhoven-azbuchnik/23763-2019-2

Share:

Example User

Placeat id pariatur et eos et nostrum. Voluptas cupiditate non sunt. Iusto impedit dolorum eaque deleniti molestiae numquam praesentium. Voluptas eligendi nulla quo ipsa dicta maiores accusamus. Voluptate impedit et voluptas id magni. Magnam vero autem autem accusantium nesciunt. Sunt ad quas atque aut dolorum. Voluptatibus similique quidem culpa cumque quia officiis nisi.

All author posts

Related Posts

Image Description
10 months ago

о. Сергеј Четвериков - Поука (04.12.2023)

             „Кога Евхаристијата и Причеста повторно ќе станат центар на христијанскиот живот, трагичните случувања и дефекти ќе бидат надминати и исцелени. Ако црковниот живот не е заснован пред се` на Христа, а тоа значи на постојано и живо заедничарење со Него, во светата Тајна на Неговата...

Image Description
4 years ago

Преподобен Наум Охридски Чудотворец

  Тропар, глас 4. Откако се соедини со Христа, си го оставил телото, Науме преблажени; духовно живејќи, си се грижел да се подвизуваш како апостолите, и за верата го придобил неизбројното мноштво Мизијско. Затоа,  со твоите молитви, избави не од искушенијата.   Преподобен Наум Охридски Ч...

Image Description
4 years ago

Амин! (Александар Шмеман)

Така се вративме таму од каде што почнавме, од каде што почнува самата Евхаристија, на благословувањето на царството Божјо. Што значи тоа да се благослови Царството? Тоа значи дека го признаваме и го исповедаме како наша највисока и крајна вредност, предмет на нашата желба, на нашата љубов и надеж,...