Што ни говори Светото писмо за создавањето на човекот?

 Што ни говори Светото писмо за создавањето на човекот?

Светото писмо во однос на создавањето на светот ни го откри тоа дека во почетокот Бог ги создал небото и земјата. Земјата била неоформена (или без облик, односно го немала изгледот кој нам ни е вообичаен) и пуста. Затоа, Бог постепено го создал (сето она што е на небото и на земјата). Во првиот ден – постоењето на светот. Во вториот ден – тврдината, или видливото небо. Во третиот: водата на земјата, почвата и растенијата. Во четвртиот: сонцето, месечината и ѕвездите. Во петтиот: рибите и птиците. Во шестиот четвороножните животни кои живеат на земјата, и, на крајот го создал човекот. Со човекот и се завршило создавањето, па, во седмиот ден Бог се одморил од Своите дела. Затоа седмиот ден е наречен сабота, што во превод од еврејски јазик значи мир, спокој, одмор (1 Мојс. 2, 2).

112.Дали видливите созданија се создадени такви какви што изгледаат денес?
Не. Видливите твари не се создадени такви какви што ги гледаме сега. При создавањето сѐ било многу добро, односно чисто, прекрасно и невино, бесштетно.

113. Кои се особенитостите при создавањето на човекот?
Бог Света Троица рекол: Да создадеме човек според Нашиот образ и подобие (1 Мојс. 1, 26). И го создаде Бог телото на првиот човек – Адам од земја; му вдахнал во лицето дух на живот; го вовел Адам во рајот; му дал храна, помеѓу останатите рајски плодови, плодови од дрвото на животот; а, на крајот, за време на Адамовиот сон му зел едно ребро и од него ја создал првата жена – Ева (1 Мојс. 2, 21-22).

 (Подолжува)

Со благослов на Митрополитот
Кумановско-осоговски
Г. д-р Јосиф
Наслов на оригиналот:
Пространнми Православнми Катихизис Православнои Кафолическои Восточнои Церкви
Лектура:
Петар Георгиевски
Графички дизајн:
Милан Јаковчевски
Печати:
Нипонграфик, Охрид

ИЗДАНИЕ НА ЕПАРХИСКИОТ ЦРКОВНО-ПРОСВЕТЕН СОВЕТ
НА КУМАНОВСКО-ОСОГОВСКАТА ЕПАРХИЈА

 11-ти декември, лето Господово 2018

Преминпортал

Друго:

• Што се тоа ангели чувари?