Втора недела од Великиот пост во Гостивар

Example Super-Admin User · 1 month ago

    1 minutes, 58 seconds


На 16.03.2025 г. во втората недела од Великиот Пост (Недела на свети Григориј Палама), во храмот „Успение на Пресвета Богородица“ во Гостивар, митрополитот Тетовско-гостиварски г. Јосиф, во сослужение на митрополитот Кумановско-осоговски г. Григориј богослужеше света Василиева литургија. Верниот народ се причести со Светите Христови Тајни.

Во својата беседа кон благочестивиот народ, митрополитот г. Јосиф меѓу другото нагласи:

„Драги браќа и сестри, верувам дека сите овде присутни во овој храм во Гостивар, знаете дека втората недела од Велигденскиот пост светата Православна Црква ја посветила на свети Григориј Палама.

Овој угодник Божји бил Архиепископ Солунски. Тој бил просветлен човек и знаменит богослов, стекнувајќи се со искуство во монашкиот живот на Света Гора Атонска. Во XIV век тој стекнал слава како голем и прониклив духовен мислител. Во неговите дела тој ја опишал природата на Таворската светлина, утврдувајќи дека таа светлина што ја покажал Христос на Своите ученици на Тавор не била обична светлина, како што сметале некои, туку видување на несоздадена божествена енергија, односно на Божјата благодат.

Постот е реална можност и средство да се победи гревот и да се очистат пороците и страстите. Затоа постот и се јавува како средство за Богопознание. Од светото Евангелие ние ги знаеме зборовите дека само чисто срце може да го види Бога (Мт. 5, 8). Затоа и ние денес треба да размислуваме за тоа: што е постот? Постот е правиот и најдобар пат по кој можеме да го совладаме гревот и да го очистиме нашето срце, а тоа значи да Го видиме Бога. По тој пат поминале многу луѓе.

А кога човек ќе се сретне со Бога, кога ќе ја почувствува Неговата благодат, тој сака без сомневање тоа да го сочува преку целиот свој живот.

Испосничкиот живот на денес празнуваниот свети Григориј Палама нека ни послужи за најдобар пример, но и образец за поддржување на деновите преку Велигденскиот пост. Слично на него да го пазиме и почитуваме постот, како што ни доликува на вистинските христијани, без да го посветуваме вниманието на лекомислените луѓе, кои без да ја познаваат верата, го одрекуваат постот и молитвата.

Да запамтиме дека постот дава торжество на духот над материјата; постот ја зацврстува верата – таа невообичаена духовна сила, која само таа на човек му дава поголемо достоинство, издигнувајќи го над земните влекачи, а истовремено  го доближува до Бога. Амин!

Му благодарам на митрополитот г. Григориј кој денес дојде да богослужиме света литургија овде во Гостивар, во градот на гостољубието.

Владико, Ви го честитам именденот и нека Бог Ви дари здравје и сили уште долги години да богослужиме заедно.“

Извор: https://tge.mk/product/vtora-nedela-od-velikiot-post

Source: https://liturgija.mk/aktuelno/mpc/vtora-nedela-od-velikiot-post/

Share:

Example Super-Admin User

Aut dolor fugit impedit incidunt. Unde repellat commodi illum voluptas. Quisquam consequatur autem quae ipsam. Corporis voluptate aspernatur minus omnis. Maiores aut fugit mollitia eaque. Praesentium facere alias dicta delectus et rerum. Dolorem animi cum cumque accusantium vel autem. Eos iste reprehenderit et odit eius voluptas modi. Sequi dolorum dolorem inventore saepe quibusdam. Impedit in est repudiandae consequatur fugit fugit. Dolorem et illum neque aut sint et.

All author posts

Related Posts

Image Description
8 months ago

Прослава на Преображението Господово во Крушево

На вечерната богослужба на празникот Преображение Господово, во истоимениот манастир во Крушево, кој е митрополитска резиденција, а на покана на Неговото Високопреосвештенство Митрополитот Крушевско-демирхисарски г. Јован, чиноначалствуваше Неговото Преосвештенство Епископот Дремвитски г. Давид....

Image Description
2 months ago

Живот: чудесна книга пишувана секој ден...

 Живот: чудесна книга пишувана секој ден...Не можеме да се сетиме на првиот ден од нашиот живот.Колку и да се трудиме, првите страници од нашата книга ни се затворени.Нив ги напишаа други: Од нашите родители, од околината која не пречека, од моментите кои никогаш не можевме да ги запишеме во нашето...

Image Description
4 months ago

Исповедта како ослободување и семејна поддршка...

 Исповедта како ослободување и семејна поддршка Срамот што го чувствуваме кога ги исповедаме своите гревови не е слабост, туку најдлабоката точка на нашата душа која се стреми кон светлина. Тој срам, ако правилно го сфатиме, може да стане клуч за ослободување, бидејќи тоа е моментот кога самите себе...