Против бесчувствителноста на душата,брате, треба постојано да читаш од божественото Писмо, заедно со умилните зборови на богоносните отци. На ова додај го размислувањето за Страшниот Божји суд, за излегувањето на душата од телото и за страшните сили со кои таа вршела зло во овој кратковремен и покајнички живот. Мисли дека веќе стоиш пред Страшниот и праведен Христов суд за да бидеш испитан не само за твоите дела, туку и за твоите зборови и помисли, и тоа пред Бога, пред сите Негови ангели и пред целото создание. Почесто сети се на одлуките кои ќе ги донесе страшниот и праведен Судија за оние кои се од левата страна: ,,Одете од Мене, проклети, во вечен оган, приготвен за ѓаволот и неговите ангели“. Добро е да размислувате и за големите човечки маки и неволји, кои им се случиле на луѓето, така што нечувствителноста и жестока душа ќе се врати во состојба на согледување.

А, недостигот на љубов кон твоите браќа настанува поради тоа што примаш помисли на сомнеж и му веруваш на своето срце, и поради тоа што не сакаш ништо да претрпиш против својата волја. Треба, со Божја помош воопшто да не им веруваш на сомневањата и со свои сили да се трудиш да се смириш пред братот, отсекувајќи ја пред него својата волја. Ако некој те навреди или, пак, те натажува, ти помоли се, како што рекле отците, како за некој што ти прави добро за излекување на твоето сластољубие. Оттука, твојот бес ќе се намали. Отците велат дека вистинската љубов ги скротува страстите, и, пред се, моли Го Бога да ти даде трезвеност и разум за да можеш да дознаеш која е добрата, угодна и совршена Божја волја, за потоа да ги даде сила да бидеш подготвен на секое добро дело.

Ава Доротеј од Газа