Житие на новопрославениот светител Порфириј Капсокаливиски

Example Super-Admin User · 7 months ago

    2 minutes, 41 seconds


Sv.Porfirij.Kavsakolivit

(1906-2.12.1991)

                 Старецот Порфириј е роден во 1906 година во Свети Јован Каристијски, на Евија. Неговото световно име е Евангелос. Во училиште одеше само две години. Болеста на учителот и сиромаштијата на семејството го принудија да работи како овчар, пасејќи ги нивните неколку говеда. Малку подоцна, кога беше дете на деветгодишна возраст, се вработи во јагленарница а потоа во маркет кај еден пријател на семејството во Пиреја. Татко му беше заминал да работи на канал во Панама, за да го прехрани семејството.

             Кога имаше 8 години, најде една книшка со животот на свети Јован Коливит (Колибар), кое го читаше по слогови. Животот на светителот го потресе малото овчарче и посака да го следи неговиот пример. Така, на возраст од околу 12 години, тргна сам тајно за Света Гора и на бродот го запозна својот подоцнежен старец, јеромонахот Пантелејмон, духовникот, кој се подвизуваше во ќелијата на Свети Ѓорѓи во Капсокаливија, на Света Гора.

На овој старец и на неговиот брат по плот монахот Јоаникиј, младиот послушник им правеше радосно и крајно послушание и така по две години се удостои да биде пострижан за монах. Поради неговата горешта вера, послушанието и подвизите, го посети Божествената благодат и во млада возраст стекна дар на прозорливост.

На Света Гора се разболе од пневмонија на околу 18-годишна возраст и старците го испратија во манастир на Евија за да се лечи. Таму го запозна архиепископот Синајски Порфириј и откако се увери во неговиот духовен напредок, го ракоположи за свештеник на возраст од 20 години. По краток временски период локалниот митрополит го произведе за духовник и така го стави во служба на верниците неговиот дар на прозорливост. Со овој дар, младиот јеромонах и духовник Порфириј им помагаше на луѓето да се избават од различни замки на лукавиот, да разберат што се случува со нивната душа и да работат на своето спасение.

Во 1940 година беше поставен за парохиски свештеник во атинската Поликлиника, на улицата Сократ, во близина на плоштадот Омонија. На оваа служба помина 33 години, исповедајќи ги болните и другите, молејќи се, советувајќи и често исцелувајќи ги со молитвата и со благодатта Божја болните кои бараа помош од него.

              Во 1950 година се насели во напуштениот манастир на свети Никола на Пендели и до 1978 ја средуваше неговата околина. Во 1979 се насели во Милеси, Атика, во близина на Оропос, каде што почна, откако доби законски дозволи, да го гради Исихастирионот на Преображението Господово. Овде примаше посетители од различни категории и телефонски повици од сите делови на светот, за различни проблеми и советуваше, се молеше, исповедаше и ги исцелуваше душите и често пати и телата на луѓето.

Во јуни 1991 година, претчувствувајќи го својот крај, и не сакајќи да биде погребан со почести, замина во ќелијата на Свети Ѓорѓи во Капсокаливија, на Света Гора, каде што беше замонашен пред 70 години и на 2 декември ја предаде својата душа на Бога.

Неговите поуки останаа како скапоцена ризница за измачениот човек од нашево време. Со длабоката љубов и расудување кои беа карактеристични за него, неговите зборови сочинуваат вистинска потпора и утеха во нашево време. Неговиот прониклив поглед и голема човекољубивост му даваат поинакви димензии на современото духовништво и пастирство.

               Неговата светост официјално е признаена и објавена со одлука на Синодот на Цариградската патријаршија на 27 ноември 2013 година, а самиот чин е извршен на 1 декември 2013 година, во манастирот Преображение Господово во Милеси. Неговиот свет спомен се слави на 2 декември. По неговите свети молитви, Господи Исусе Христе, помилуј нѐ и спаси нѐ. Амин.

Превод: Свештеник Јани Мулев

 

https://crkvaveles.wordpress.com/2019/12/02/sv-porfirij-zit/

 

 

Source: https://preminportal.com.mk/duhovnost-2/zhitija/27181-zhitie-na-novoproslaveniot-svetitel-porfirij-kapsokaliviski

Share:

Example Super-Admin User

Aut dolor fugit impedit incidunt. Unde repellat commodi illum voluptas. Quisquam consequatur autem quae ipsam. Corporis voluptate aspernatur minus omnis. Maiores aut fugit mollitia eaque. Praesentium facere alias dicta delectus et rerum. Dolorem animi cum cumque accusantium vel autem. Eos iste reprehenderit et odit eius voluptas modi. Sequi dolorum dolorem inventore saepe quibusdam. Impedit in est repudiandae consequatur fugit fugit. Dolorem et illum neque aut sint et.

All author posts

Related Posts

Image Description
3 years ago

Св. преподобна Теодора Цариградска - За митарствата

  Св. преподобна Теодора Цариградска† околу 950 година Се празнува на 12.јануари/30 декемвриTропар на преподобна жена, глас 8 Оној кој тебе мајко верен ти е, ќе се спаси, затоа што крстот си го зела, Христа си го следела и чинејќи дела, си  поучувала: плотта да се презира, зашто минлива...

Image Description
3 years ago

Јеротеј Влахос: ГОСПОДОВИТЕ ПРАЗНИЦИ - ПЕДЕСЕТНИЦА

Детали Духовност 20 Јуни 2021 Посети: 5297 Слегувањето на Светиот Дух – фреска во Марков манастир ПЕДЕСЕТНИЦА Христос пред да се вознесе на Небесата им даде заповед на Своите Ученици по Неговото Вознесение...

Image Description
9 months ago

„На јавe разгoварал сo ангeлитe и сe расправал сo дeмoнитe“

Живeeјќи уштe вo тeлoтo, свeтитeлитe ималe гoлeми oткрoвeнија oд Бoга и визии за нeбeснитe и пeкoлнитe сили. Ситe тиe нивни oткрoвeнија и визии ја пoтврдуваат  правoславната вeра вo ситe нeјзини учeња. Свeтитeлитe сe радoст, гoлeма радoст на вeрницитe.