Title : Митрополит Струмички Наум: Неделата на раслабениот (22.05.2021)

Митрополит Струмички Наум: Неделата на раслабениот (22.05.2021)

Example User · 3 weeks ago

    0 minutes, 21 seconds


Nedela.na.Raslabeniot

Неделата на раслабениот (22.05.2021 15:56)

Штом Христос се воплотил и се поистоветил со нас, тогаш нема причина за очајание. Тој секако се појавува во нашиот живот; и тоа безброј пати. Наше е само да ја препознаеме посетата.

Богочовекот Христос иконично нѐ посетува многупати, и главно, преку луѓе што страдаат. Самиот Тој има кажано: „...ако на еден од овие Мои мали браќа им направите, Мене сте Ми направиле“. Но, секоја средба со секој човек во нашиот живот е дар Божји и средба со Него.

Постојат и поинакви Негови посети; посети кои битно го менуваат нашиот живот. Само да гледаме да не е тоа допуштена болест или несреќа, односно „посета од неволен вид“ поради нашите гревови, туку да предизвикаме, преку подвиг на покајание и послушание, посета од волен вид – како растење низ степените на духовниот развој, преобразување и обожeние.

Борбата против секое очајание и безнадежност, посебно при болест, се заснова, пред сѐ, на вистинска и цврста вера, а потоа и на животот со надеж, што значи – без чинење грев. Затоа што причина за повеќето болести е гревот (Јован 5, 13–15). Таков изгледа животот на болниот човек од бањата Витезда. Гледаме триесет и осум годишно трпеливо чекање, со надеж дека, сепак, ќе се појави Човек кој ќе го спушти во бањата, откако ангелот ќе ја раздвижи водата.

Евангелието од Неделата на раслабениот е полно со симболика. Симболика на Светото Крштение: бањата Витезда во која луѓето оздравувале од каква било болест и да боледувале. Симболика на возобновувањето на духовниот живот кај народот: ангел Господов ја раздвижуваше водата. Симболика на молитвениот однос на човекот кон Бог – што Го привлекува Бог: Исус, кога го виде како лежи и штом узна дека од многу години боледува, му се обраќа и го прашува дали сака да оздрави. Болниот човек нѐ симболизира сите нас, денес, кои сме духовно раслабени.

            Најпотресна, за мене, е симболиката за исконскиот крик на човекот во потрага на вистински Човек и човечност, преточена во само двата збора на раслабениот: немам човек! – иако човечноста треба прво во себе да ја возобновиме за да ја препознаеме. Како и симболиката на вистинското послушание, како Откровение на смислата на Духот на словото – во словото на законот. ...Му рекоа на исцелениот: „Сабота е и не треба да ја земаш својата постелка!“ Но, тој им одговори: „Оној што ме излекува, ми рече: Земи ја постелката своја и оди!“ (Јован 5, 9–11).

            Јас би се задржал, сега, и на други две симболики, на симболиката на крајот на Стариот Завет и на симболиката на крајот на Новиот Завет. И двете симболики се сведуваат на само двата збора: немам човек.

            За симболиката за крајот на Стариот Завет ни говори целиот Нов Завет, целиот Очев Домострој на нашето спасение, но и денешното евангелско четиво, каде што Синот Божји Исус Христос се појавува и како вистински Бог и како вистински Човек, како Богочовек. Дотогаш не се беше појавил таков Човек, а ние Го распнавме.

            За симболиката на крајот на Новиот Завет ни говори Апостолот Павле: „во последните денови ќе настанат времиња тешки. Зашто луѓето ќе станат среброљупци, горди, хулители, неблагодарни, неправедни, непомирливи, клеветници, невоздржливи, непослушни, предавници, повеќе сластољупци отколку богољупци, наизглед побожни, а од силата на Бог се одрекле. И од нив одвратувај се!“ Со други зборови – ќе снема луѓе.

vo.Nedela.na.Raslabeniot1

            Вистинскиот човек, како икона Божја која треба да стигне во подобие Божјо, е љубов. Зборовите оладувањето на љубовта се еднозначни со зборовите немам човек – вистински. Тоа ќе биде главна карактеристика на последните времиња, чии знаци и денес ги гледаме. Фала Богу, вистински човек сè уште може да се најде; но тоа исто така значи дека Апокалипсата апсолутно зависи од нас, од нашето покајание или непокајание; од нашата човечност или не...

            Господи Исусе Христе, преку Богородица, помилуј нѐ!

Митрополит Струмички Наум

 

 Извор:

МПЦ-ОА

Source: https://preminportal.com.mk/duhovnost/besedi/24178-mitropolit-strumichki-naum-nedelata-na-raslabeniot-22-05-2021

Share:

Example User

All author posts

Related Posts

Image Description
5 months ago

БEСEДА за главнoтo прoрoштвo на прoрoкoт Исаија

Eтe, Дeвица ќe зачнe и ќe рoди Син, и ќe Му гo дадат имeтo Eмануил (Иса. 7:14). Oва славнo прoрoштвo за раѓањeтo на Гoспoда oд Дeва гo изрeкoл бoгoвидeцoт Исаија вo мoмeнт на најгoлeмo oчајувањe вo кoe сe наoѓал Eрусалим. Бeзбрoјната Сириска и Eфрeмoва вoјска гo oпкoлила градoт oкoлу самитe градски...

Image Description
4 months ago

Митрополит Струмички Наум: Дејствување сега и овде (30.01.2021 17:13)

Митрополит Струмички Наум     Дејствување сега и овде (30.01.2021 17:13)Сѐ нешто чекаме да се случи, па да преземеме некакви конкретни чекори кон подобрување на нашиот духовен живот. На пример, подобри услови за молитва.Или, чекаме работите во нашиот живот да станат поедноставни...

Image Description
9 months ago

Недела по Рождество Христово

НЕДЕЛА ПО РОЖДЕСТВО ХРИСТОВО (Недела на Светите Богоотци) „Ирод, кога виде дека мудреците го измамија, се разгневи многу и прати, та ги уби сите младенци во Витлеем и по целата негова околина од две години и помали“ (Матеј 2: 16) ВО ИМЕТО НА ОТЕЦОТ И СИНОТ И СВЕТИОТ ДУХ! Веста за раѓањето на Спас...