Осветени возобновените конаци на манастирскиот комплекс „Св. Преображение“ - Зрзе (07.03.2016)

Example User · 1 month ago

    2 minutes, 11 seconds


015_zrze_640x400

Реконструкцијата на овој духовен центар, несомнено, ги демонстрира нашата посветеност и нашите заложби да го зачуваме богатото културно наследство што го поседуваме како држава, да обезбедиме негова соодветна заштита, промоција и достапност за нашите граѓани ...

- Имаме можност да ја промовираме целосната реконструкција на манастирскиот комплекс „Св. Преображение“ – Зрзе. Реконструкцијата на овој духовен центар, несомнено, ги демонстрира нашата посветеност и нашите заложби да го зачуваме богатото културно наследство што го поседуваме како држава, да обезбедиме негова соодветна заштита, промоција и достапност за нашите граѓани - порача министерката за култура Елизабета Канческа-Милевска при денешната свеченост на осветување и промовирање на реконструираните монашки и владички конак и на партерното уредување на манастирскиот комплекс Зрзе.


09_zrze


На денешната свеченост присуствуваа многубројни гости, како и поглаварот на МПЦ ОА г.г. Стефан и владиците Петар и Климент.

- Зафатот за возобновување на комплексот ги опфаќа археолошките истражувања под манастирот, обновата на монашкиот и на владичкиот конак и партерното уредување 1300 квадратни метри - нагласи Канческа-Милевска при обраќањето пред присутните.

- Зрзе за Македонија е Тавор и Топос на духот кој како во минатото така и денес на човекот на нашата епоха му упатува универзална порака за постојано преобразување, прифаќање и соочување со сопствените креативни потенцијали. Зрзе е креативен амбиент кој токму тука ги изнедрил ремек-делата на македонската средновековна уметност, двете антологиски икони, Зрзескиот Христос и Богородица Пелагонитиса од 14 век кои се нераскинлив дел од светската иконописна ризница.

014_zrze

Зрзе е органски дел од ранохристијанската духовна структура осведочена во новооткриениот старохристијански комплекс со базилика и гробница на локален мартир од петтиот век. Зрзе е уникатна монашка населба врежана во бигорната карпа со автохтоно монаштво од крајот на деветтиот век - рече Канческа-Милевска.

Поглаварот на МПЦ ОА, г.г. Стефан, нагласи дека овој манастир е еден од најрепрезентативните и најзначајни средновековни македонски светилишта.

023_zrzeОвде, чиниш на секоја педа од земјата напластени се векови национална, културна и духовна историја. Собрани денес на овој свештен собир, крунисуваме едно дело на новата македонска духовна преродба - ги осветуваме возобновените и новите манастирски конаци - рече, меѓу другото, г.г. Стефан.

Осветувајќи ги новите конаци, поглаварот на МПЦ ОА г.г. Стефан нагласи дека ниедно духовно дело за историјата и за вечноста не е успешно доколку зад него не стојат добри и осветени личности.

Градоначалникот на Општина Долнени Боше Милошески смета дека за манастирот е направено многу, особено по асфалтирањето на патот до него.

- Со пари од државниот буџет е асфалтиран патот до манастирот во должина од близу 8 километри и ова духовно светилиште е гордост за Општината и за Македонија - рече Милошески.

Патот до манастирот се градеше со средства од државата во висина од 80 милиони денари.

 

 

 

 

 

025_zrze

027_zrze

029_zrze

Извор: Министерство за култура на Р.Македонија

Source: https://preminportal.com.mk/duhovnost/manastiri-i-crkvi/17392-osveteni-vozobnovenite-konaci-na-manastirskiot-kompleks-sv-preobrazhenie-zrze-07-03-2016

Share:

Example User

Placeat id pariatur et eos et nostrum. Voluptas cupiditate non sunt. Iusto impedit dolorum eaque deleniti molestiae numquam praesentium. Voluptas eligendi nulla quo ipsa dicta maiores accusamus. Voluptate impedit et voluptas id magni. Magnam vero autem autem accusantium nesciunt. Sunt ad quas atque aut dolorum. Voluptatibus similique quidem culpa cumque quia officiis nisi.

All author posts

Related Posts

Image Description
2 years ago

Типови икони на Пресвета Богородица!

Типови икони на Пресвета Богородица Како што основа за сите икони на Христос беше неракотворениот образ на ризата, така за иконата на Богородица e земен ликот на иконата што ја направил Светиот апостол и евангелист Лука. Kora ќе се споредат сите икони на Богородица, почнувајќи од Шпанија преку Итал...

Image Description
4 years ago

За Божјиот печат и знакот на ѕверот

Монах Пимен Влад, од романскиот скит Лаку Кога ќе дојде антихристот и ќе посака да ти стави печат, тој нема да посака просто да ти стави еден печат, за да можеш да продаваш и да купуваш, туку ќе посака да го заземе местото на Христос во твојот живот, за да биде тој на местото на Христос. Не...

Image Description
4 years ago

Преподобен Јосиф Исихаст: Оној што се моли бара простување на гревовите, ја бара милоста Господова

 Благодатта секогаш му претходи на искушение, како едно известие за подготовка. Не е практика некој да се обиде и да се повлече, туку, кога некој се бори да победи, или да биде победен, да добие, или да загуби, да падне, или да стане, да има подвиг и борба до последниот здив. Се додека не излез...