Во вторник, 8 / 21 јануари 2025 година, во Ерусалимската патријаршија беше прославен празникот на светите Георгиј и Јован Хозевити од манастирот „Хозева“, кој се наоѓа лево од потокот Хорат во негов тек кон Ерихон и Мртвото Море.
На оваа прослава, светиот манастир се сеќава на неговиот прв основач Јован, поранешен епископ на Кесарија Палестинска и светлечки столб, реорганизатор и обновувач на манастирот кон крајот на 4-от и почетокот на 5-от век.
Исто така се сеќава и на свети Георгиј од Кипар, обновувач на манастирот од урнатините по разурнувањето предизвикано од персиската инвазија во 614 година.
Прославата започна со пречек на Негово Блаженство Патријархот Ерусалимски г.г. Теофил, од страна на игуменот и обновувач на манастирот, архимандрит о. Константин, со неговото поздравно слово:
„Ваше Блаженство,
И оваа година го прославуваме споменот на светите Јован и Георгиј Хозевити, сред силни војни и смрт на многу млади и стари луѓе.
Во животот на денешниот прославуван свети Георгиј, читаме дека светиот ги предвидел персиските напади врз Светата Земја и топло Му се молел на Бога да го заштити народот кој згрешил и поради тоа ќе биде казнет, и Неговата Сесилност дозволила да дојде мир на земјата.
И тогаш и сега, луѓето бараат мир… Но за каков мир станува збор? Можеби оној за кој зборуваат владетелите на народите, pax romana?
Зборот [мир, на грчки ’ирини’ заб. прев.] по себе, кој етимолошки потекнува од глаголот ’иро’, означува хармонија и врска. Навистина, кога дошол Господарот на Мирот, ги соединил претходно разделените нешта и подарил скапоцен дар – мирната состојба на внатрешниот човек. Непоколебливиот мир и трајната радост, која се постигнува преку верата во Синот Божји, Господ наш Исус Христос, и истовремено преку подвиг.
’Мир ви оставам, мирот Мој ви го давам. Не ви го давам како светот што дава’, рекол Господ (Јн. 14, 27).
Токму овој доаѓање на мирот го пееле светите ангели таа ноќ на раѓањето на Богочовекот: ’Слава на Бога во висините и мир на земјата, меѓу луѓето добра волја’ (Лк. 2, 14).
Молете се, Ваше Блаженство, преку, според Свети Јован Златоуст, исклучителната Тајна на Мирот, имено Божествената Литургија, да владее посакуваниот мир на земјата! Амин”.
Службата продолжи со сеноќно бдение, предводено од Негово Блаженство Патријархот Ерусалимски г.г. Теофил. На бдението учествуваа монаси и монахињи кои успеале да стигнат на богослужбата, и покрај препреките поставени од израелската војска, поради постојната воена состојба.
Извор: https://jerusalem-patriarchate.info/arthrografia/η-εορτη-τησ-ιερασ-μονησ-χοζεβα-3/
Source: https://liturgija.mk/aktuelno/pravoslavni/proslava-vo-manastirot-hozeva/
