ЗА ПОСТОТ – Свети Григориј Палама

Example Admin User · 10 months ago

    1 minutes, 29 seconds


ЗА ПОСТОТ

„…Љубени, ова и ние ќе го правиме, и не само што ќе го оддалечиме од себе размазениот и разнежнетиот начин на живот, туку нашиот пост, молитвата и псалмопеењето ќе ги извршуваме како да е тука присутен и како да нѐ надгледува Самиот Бог.

Така ќе знаеме дека ниту постот, ниту псалмопеењето, ни молитвата не можат да нѐ спасат сами од себе, туку дека нѐ спасуваат кога ги извршуваме пред Божјите очи.

И како што сонцето ги грее оние, кои ги осветлува, така и Божјите очи нас нѐ осветуваат кога нѐ гледаат.

Сѐ ова, пак, го извршуваме пред Божјите очи тогаш, кога умот внимателно Го набљудува Него и кога, гледајќи на Него, постиме, пееме псалми и се молиме.

Меѓутоа, ако во текот на молитвата и псалмопеењето умот понекогаш ни се вознесува кон Бога, а понекогаш е расејан, тоа значи дека сѐ уште потполно не сме се предале на Бога и дека целта на она, што го правиме не е само и единствено Божјиот закон.

Значи, во онаа мера во која отстапуваме од од праведните дела, во таа мера не можеме да опстанеме пред Божјите очи, како што е речено:

беззакониците нема да излезат пред Твоите очи (Псал. 5, 5).

Ние, кои лежиме во рани, Го повикуваме Господ, Кој може да стави лек и завои на нашите рани.

Ве молам да не си дозволиме да се предадеме, и со постот, молитвите, солзите и на секој друг начин, да Го повикуваме сѐ додека не ни се приближи и додека не нѐ исцели.

Да покажеме и со дела дека сме толку богати, така што за Младоженец Го имаме Христос, Кој со надеж Го очекуваме, иако сега е далеку од нас и се крие на Небесата.

Но, ќе дојдат дни кога младоженецот ќе се оттргне од нив, па тогаш и тие ќе постат (Мат. 9, 15).

Оттука е очигледно дека оние, кои Христос ги повикува мораат цел живот да го поминат во воздржание и во пост, очекувајќи Го во добра надеж, Неговото страшно Второ доаѓање.

Сите ние да се удостоиме со овој блажен и бесмртен живот, со благодатта и човекољубието на Господ наш Исус Христос, Кому Му доликува секоја слава, чест и поклонение, со беспочетниот Негов Отец и пресветиот и благ и живототворен Дух, сега и секогаш и во сите векови. Амин.

Свети Григориј Палама

Source: https://pokajanie.mk/2023/11/22/30739/

Share:

Example Admin User

Error facere repudiandae qui aut quia. Nihil incidunt at maiores earum voluptates saepe modi. Aut recusandae qui fuga quaerat iure. Doloremque praesentium inventore natus. Aspernatur doloremque iste voluptas placeat. Incidunt qui quia enim ducimus asperiores aliquam doloribus. Aut voluptatem voluptas earum ducimus neque laboriosam sint.

All author posts

Related Posts

Image Description
8 months ago

Ви благодарам...

 Ви благодарам...Им благодарам на сите оние кои се смеат на моите соништа... ја инспирираат мојата имагинација...Благодарам на сите што ме исполнуваат со лаги...ми ја даваат моќта на вистината...Им благодарам на сите што не веруваа во мене...ме научија како да поместувам планини.Сакам да им се забла...

Image Description
7 months ago

Слово на денот на Преображение Господово - Митрополит Антониј Сурожски

 Слово на денот на Преображение Господово - Митрополит Антониј СурожскиПразникот Преображение пред нас ја открива славата на Бога создаденото создание.  Не само Христос се јави во славата на Отецот, во Неговата Божествена слава на овој ден пред Своите ученици: Евангелието ни кажува дека Божествената...

Image Description
8 months ago

Се жалите дека не се однесуваат добро со вас

Се жалите дека не се однесуваат добро со вас.Слушајте го мојот совет: ако некој не се однесува добро со вас, однесувајте се со него со добрина. На целата работа и треба понизување.Да речеме пример: Некој ти вели дека работата не ти е добра. Кажи му:  „Ти благодарам што ме советуваше. Помогни ми да с...