Замислете, „како договорени“!? (Митрополит Наум)

Example Admin User · 4 years ago

    1 minutes, 26 seconds


Како договорени

„Еден човек приготви голема вечера и покани мнозина; и кога беше време за вечерата, го прати слугата свој да им каже на поканетите:

’Дојдете, оти сè е готово!‘ И почнаа сите, како договорени, да откажуваат…“ (Лука 14, 16–24).

Во денешното евангелско четиво гледаме, во суштина, исплашени луѓе кои поради приврзаноста со овој свет се откажуваат од Богочовекот Христос и од Неговата „голема вечера“ – односно од причестувањето со Телото и Крвта Христови.

А што гледаме во житијата на сите свети маченици, на преподобните отци (монасите) и на јуродивите заради Христос?

Гледаме незамолчливо сведоштво на храбро и екстремно одрекување од овој свет – заради Христос.

Ги потенциравме горенаведените крајно спротивставени примери за да ја избегнеме осредноста:

„Ги знам делата твои: ти не си ни студен ни жежок; о, да беше студен или жежок! Така, бидејќи си млак, а не жежок, ниту студен, ќе те изблујам од устата Своја“ (Откр. 3, 15–16).

Но, моето внимание посебно го привлече оваа реченица: „И почнаа сите, како договорени, да откажуваат“.

Замислете, „како договорени“!?

Сигурно овде не се мисли на некаков конкретен и осмислен договор, туку на неосвестено, но воедначено човеково однесување.

И, сигурно не се работи толку за однесувањето, колку за еден и ист дух што го раководи тоа однесување – паднатиот дух.

Оти, кој друг дух би се одрекол од Христос?

И кој друг дух би можел, и денес, толку различни (етнички, партиски) и неповрзани луѓе да ги поврзе во едно те исто однесување – во противење на Христовиот Дух, освен духот на антихристот?

Така и во нашиот случај, луѓе – странци меѓусебно, со различни гревовни навики и индоктринирани од различни колективни несвесни гревовни шеми, ги гледаме дека восогласено дејствуваат како под команда, кога е во прашање поткопувањето на единството на Македонската Православна Црква – ОА, како и кога е во прашање обидот за оневозможување на единствената „голема вечера“ од Богочовекот Христос, преку неа, подготвена.

Пресвета Богородице, спаси нѐ!

Source: https://pokajanie.mk/2020/12/27/30260/

Share:

Example Admin User

Error facere repudiandae qui aut quia. Nihil incidunt at maiores earum voluptates saepe modi. Aut recusandae qui fuga quaerat iure. Doloremque praesentium inventore natus. Aspernatur doloremque iste voluptas placeat. Incidunt qui quia enim ducimus asperiores aliquam doloribus. Aut voluptatem voluptas earum ducimus neque laboriosam sint.

All author posts

Related Posts

Image Description
9 months ago

Митрополит Струмички Наум – Рождество на Пресвета Богородица

Рождество на Пресвета Богородица (20.09.2022) Рождеството на Пресветата Владичица наша Богородица и Секогашдева Марија е убав повод да се потсетиме колку сме уште далеку од вистинската љубов кон Неa и колку треба да се покаеме поради овој наш пад. Зборувам за духовна љубов, не за душевна. За првата,...

Image Description
9 months ago

Старец Паисиј Светогорец: Заљубеноста во себе ја уништува љубовта кон ближниот

Денес речиси кај сите луѓе има себељубие, и нема дух на жртвување. Сега господари менталитетот: „само мене да не ми е лошо“. Знате колку е тешко да се гледа кон ближните! Неодамна, во болница, бев сведок на една таква ситуација: требаше да дигнат еден болен што лежеше, за да го преместат во друга со...

Image Description
1 week ago

ВНАТРЕШНО ДА СЕ ПРЕОБРАЗИМЕ – Е ДРУГАТА ДИМЕНЗИЈА НА КРСТОТ! (Митрополит Наум)

Пред Крстопоклоната седмица многу размислував за следново: Кога помладион син расипник – т.н. блуден син, потполно се истроши самиот себе, слично како повеќето од нас од погрешниот, односно промашениот начин на живот, тој сфати дека надвор од заедницата што ја основа неговиот Татко – нашиот Бог, н...