Лекција за животот, молитвата и љубовта
Би сакал... Овие зборови се почеток на секој искрен стремеж на душата кон подобро. Да се живее според Божјата волја не е лесно, но токму патот нè води до мир, радост и вечно спасение. За да ги прифатиме другите како што Бог нè прифаќа нас, прво мора да ја разбереме длабочината на Неговата љубов. Ги гледа нашите најмрачни мисли и најголемите гревови, но сепак не нè отфрла.
Ако нè прифаќа така, кои сме ние да им судиме на другите?
Молитвата е срцето на секој Православен дом. Кога брачните двојки стојат заедно пред Бога, држејќи се за рака и молејќи се, тие не само што се зближуваат со Бога, туку и еден со друг. Затоа е важно молитвата во семејството да стане навика, секојдневна и искрена. Молитвата ги смирува недоразбирањата, ги смирува страстите и ја умножува љубовта.
Наместо меѓусебно да се потсетуваат на грешките, мажот и жената треба да се потсетуваат на нивната љубов и на Божјата заповед: Сакај го ближниот свој како себе си. Потсетувањето на гревовите на другиот само ги продлабочува раните, а простувањето лечи. Брачните парови нека одлучат наместо да осудуваат во својот дом, да се молат за спас и зајакнување еден на друг.
Бидете тивки пред туѓите слабости. Како што Бог молчи за нашите, ние можеме да бидеме милосрдни, да не ги изнесуваме туѓите грешки. Кога зборуваме за гревовите на другите, ја губиме благодатта.
Христос се понизи за нас, се предаде себеси како жртва од љубов. Ако сакаме да го следиме Неговиот пат, мора да научиме да се жртвуваме - за нашиот брачен другар, деца, сакани.
Љубов преку дела.
Љубовта не е само збор, туку дела на добрина, трпение и разбирање.
Живеењето според Божјата волја не е цел до која ќе дојдеме одеднаш, туку тековен процес. Не е страшно ако не успееме во сè, но важно е да се обидеме, да се молиме, да бараме прошка и да им ја понудиме на другите.
И ако животот не ни е доволен за да станеме потполно смирени и покајани, барем нашиот последен момент нека биде осветлен со покајание и љубов кон Бога. Затоа што Он нема да не остави – ниту во смрт.
Source: https://poukinasvetitestarci.blogspot.com/2024/11/blog-post_714.html
