Литургија на словото (2 дел)

Example Super-Admin User · 9 months ago

    2 minutes, 43 seconds


По завршување на песната „Свети Боже…“ следи читањето на библиските текстови. Во современата практика се читаат делови само од Новиот Завет (посланија на апостолите, Дела на апостолите и Евангелие). Во постаро време, се читале прво старозаветни, а потоа новозаветни текстови.

Пред и по читање на Евангелието, народот (претставуван од хорот или од певницата) возгласува:„Слава Тебе Господи“. Овој возгласпроизлегува од Исток, најверојатно од периодот 5-6 век. Тој бил употребуван и по читање на други библиски текстови на Литургијата. Денес се однесува само на читање на Евангелието.

Проповедта

е дидактички елемент на христијанското богослужение. Во првите христијански векови таа била органски дел на литургиските чинодејствија и заземала почесно место во евхаристиските собранија. Во 14. глава од Посланието на свети апостол Павле до Коринтјаните јасно се забележува дека секој од присутните на богослужбеното собрание имал право да поучува, односно да проповеда[1]. Но, при тоа се јавиле извесни злоупотреби, против кои настапил и лично свети апостол Павле, па токму поради тоа постепено се забележуваат одредени ограничувања во тој поглед.

Во периодот од 4 до 5 век продолжило ограничувањето на правото, според кое секој да може да проповеда, а тоа конечно е формулирано во каноните на Шестиот вселенски собор (681 г.) и на помесниот Картагински собор (419 г.). Практиката за толкување на прочитаниот библиски текст потекнува од практиката, која се применувала во синагогалното богослужение. Тоа го практикувале Господ Исус Христос[2] и апостолите[3].

Денес проповедта многу често, неправилно, се преместува на крајот од Литургијата. Меѓутоа, нејзиното вистинско и логично место е веднаш по читањето на Евангелието, бидејќи нејзин предмет треба да биде толкување на прочитаните текстови, објаснување на празникот или на некој друг значаен настан од црковната историја.

Сугубата ектенија: „Да речеме сите од сета наша душа…“ следува по проповедта.

Сугуба

означува

двојна

,

усрдна

или

засилена

. На прозбите се одговара со трикратно

Господи помилуј

. За време на ектенијата или, пак, уште попрецизно и поправилно, по ектенијата свештеникот ја чита молитвата: „Господи Боже наш, прими го од Твоите слуги…“ По содржина, оваа молитва е блиска со соодветната молитва во Јакововата Литургија. Возгласот „Зашто си милостив…“ е завршеток на молитвата.

Сугубата ектенија, заедно со молитвата, станала дел од византиските литургии околу 7-8 век. Според некои, сугубата ектенија по библиските читања, потекнува од покајните литии, кои се извршувале во Цариград по повод годишнини од големи земјотреси, поплави, епидемии и сл. Нејзиното конечно оформување се случило околу 10 век.

Редица прозби во сугубата ектенија се позајмени од молитвеници и од служебници, кои биле предвидени за монашките центри во Ерусалим и околината. Поради тоа се спомнуваат „отци и браќа“на манастирот, „свештеномонаси, свештеноѓаконии целото во Христа наше братство“ (се мисли на манастирското братство).

 Прозбата: „Уште се молиме за дарителите…“ станала дел од ектенијата околу 14 век. Тогаш исчезнале други прозби, кои биле поврзани со вечерите на љубовта. Прозбата за војниците била вметната уште подоцна. Вклучувањето на сугубата ектенија по проповедта, што се случило пред 8 век, довело до извесна збунетост во тој дел од Литургијата, затоа што била нарушена древно востановената пракса, според која огласените не се молат заедно со останатите христијани.


Користена литература:

Архимандрит Авксентий, Литургика (част 3), Пловдив 2008.

Ιωάννου Μ. Φουντούλη, Λειτουργική Α΄, Θεσσαλονίκη 2000

Благой Чифлянов, Православна Литургика, София 2008.


[1] Сп. 1Кор 14, 26.

[2] Сп. Мт 13, 54-58; Мкл 6, 1-6.

[3] Сп. Дела 13, 15.

The post Литургија на словото (2 дел) appeared first on Литургија.мк.

Source: https://liturgija.mk/bogoslovie/liturgika/liturgija-na-slovoto-2-del/

Share:

Example Super-Admin User

Aut dolor fugit impedit incidunt. Unde repellat commodi illum voluptas. Quisquam consequatur autem quae ipsam. Corporis voluptate aspernatur minus omnis. Maiores aut fugit mollitia eaque. Praesentium facere alias dicta delectus et rerum. Dolorem animi cum cumque accusantium vel autem. Eos iste reprehenderit et odit eius voluptas modi. Sequi dolorum dolorem inventore saepe quibusdam. Impedit in est repudiandae consequatur fugit fugit. Dolorem et illum neque aut sint et.

All author posts

Related Posts

Image Description
9 months ago

Да почекаме се, но...

 Да почекаме се, но...Познавањето на злото на луѓето, односно злото што го прават другите, мало или големо, ја искривува нашата логика, ја слабее нашата сила, бидејќи тоа не се согласува со Бога. На крајот на краиштата, постојано имаме искушение пред нас.Затоа не треба да сакаме да учиме, да знаеме...

Image Description
9 months ago

Слово на денот на Раѓањето на Светиот Претеча и Крстител Господов Јован

  Слово на денот на Раѓањето на Светиот Претеча и Крстител Господов ЈованПророк и предвесник на Христовото доаѓање, достоен за пофалба, збунети сме, кои со љубов те почитуваме.Па, како да не бидеме збунети, како да се пофалиме достојни за тоа, за што Самиот Господ Исус Христос рекол дека меѓу родени...

Image Description
9 months ago

Се плашам дека еден ден нема да се разбудам...

  Се плашам дека еден ден нема да се разбудам...Се плашам дека еден ден нема да се разбудам...Се плашам дека еден ден ќе се разбудам и ќе ми недостигаат луѓето што ги повредив.Се плашам дека еден ден ќе се разбудам и дека тие што се уште не сум ги простил ги нема.Се плашам дека еден ден ќе се разбуд...