Title : МИЛОСТИВИОТ САМАРЈАНИН (Митрополит Наум)

МИЛОСТИВИОТ САМАРЈАНИН (Митрополит Наум)

Example Admin User · 5 months ago

    0 minutes, 0 seconds


Милостивиот Самарјанин

Деца, го чувте денешното евангелско четиво (Лука 10, 25–37).

Сите ние сме гости на овој свет, кои повеќе – кои помалку, повредени од демоните – разбојниците, сместени од милостивиот Самарјанин – Христос, на лекување во гостилницата – Црквата.

Гостилничар е Епископот.

Милостивиот Самарјанин – Христос му остава сè што му е потребно на гостилничарот за да ги догледа и излекува сите оние чии срца и души, па и тела, се повредени од демонскиот напад.

Богочовекот Христос му остави на свештенството и личен пример, и толку неисцрпна благодат што повредениот гостин никогаш не може да потроши повеќе од тоа.

Ветувањето за доплата се однесува само за малодушните гостилничари.

Затоа, на гостилничарот му останува само совесно и смирено да ја изврши работата за којашто му е однапред преплатено.

А ако ја заврши работата како дете Божјо – а не како наемник – трошејќи се себеси и „повеќе од она што му е платено“, блазе си му на таквиот гостилничар кој Бог ќе Го направи свој „должник“.

Него Бог ќе го направи син Свој по благодат, а каква било друга доплата веќе не е воопшто важна…

Пресвета Богородице, спаси нѐ!

Митрополит Наум

Source: https://pokajanie.mk/2020/11/29/milostiviot-samarjanin-mitropolit-naum/

Share:

Example Admin User

All author posts

Related Posts

Image Description
4 months ago

Митрополит Струмички Наум: Различни блаженства (19.12.2020 )

  Митрополит Струмички Наум:Различни блаженства (19.12.2020 17:50) Слушајте ги блаженствата внимателно, за да ја забележите разликата: „Кога го виде народот, Он се искачи на планината; а штом седна, учениците Негови се приближија до Него. И кога ја отвори устата Своја, ги поучуваше и говореше:...

Image Description
5 months ago

Бог – богат – убог

Лука 12, 16-21 Светите преведувачи, закрилници на овој наш храм, светите солунски браќа Кирил и Методиј, просветлени од благодатта Божја, премудро ги преведувале црковните книги, и при тоа, именката Бог ја ставиле во основата на два збора. Првиот случај е со именката б...