Побарајте прошка од Господ
Меѓутоа, ако по Крштевањето човек живее не како христијанин, туку како паган, навредувајќи го Господа со секакви гревови и не се кае за нив, и ако не ја исчисти душата од гревовите, ќе испадне дека е како некрстена личност. Затоа често слушаме од неверниците: „Еве, верници, крстени, а вие сте полоши од нас“. Така, Словото Божјо вели: вие христијаните хулите на Божјото име, зашто живеете полошо од незнабошците.
Господ му дал слобода на човекот и тој може да оди или кај Бог или кај ѓаволот. Трет пат нема. Нема средина. Затоа ние, христијаните, мора да одиме кај Бога, да се стремиме кон Него, да Му веруваме, да ги прифаќаме светите тајни, да ги исполнуваме заповедите Божји, а ако нешто не сме исполниле, тогаш да го сфатиме и да не се оправдуваме, туку да ги оплакуваме нашите гревови пред Него.
Побарајте прошка, за да Он, милостивиот Господ ни ја прости и ја очисти нашата душа. Кој греши свесно, се оправдува за своите гревови и не се покае за нив, му се спротивставува на Господа, станува непријател на Бога и оди кај ѓаволот.
Игумен Никон Воробјев
Source: https://poukinasvetitestarci.blogspot.com/2024/06/blog-post_60.html
