Житие, Песнено последование и Молебен канон кон преподобниот и богоносен отец наш Ефрем Филотејски и Аризонски (07.12.2020)

Example User · 4 years ago

    2 minutes, 46 seconds


 Житие, Песнено последование и Молебен канон кон преподобниот и богоносен отец наш Ефрем Филотејски и Аризонски (07.12.2020 16:03)

3.angeli.so.truba

Во Сонора се јави како жител во пустина,
таму, сред безводната земја, отче Ефрем, богоносен.

Со љубовта кон Христа, извор нов,

за наслада ни дари, денес, ти,

за да пијат сите верни,

и песнословејќи да воскликнуваат:

Слава на Тој што крепост ти дал,

слава на Тој што те овенчал,

слава на Тој што низ тебе

и нам ни дава благодат.

(тропар на преп. Ефрем Филотејски и Аризонски)


 

            По повод празникот на успението на светиот Старец Ефрем Филотејски и Аризонски, со благослов на Митрополитот Струмички г. Наум, деновиве излезе од печат книгата „Житие, Песнено последование и Молебен канон кон преподобниот и богоносен отец наш Ефрем Филотејски и Аризонски“, во издание на манастирот „Воведение на Пресвета Богородица Елеуса“, Велјуса.

Книгата е издадена по повод дваесет и пет години од возобновувањето на женското општожително монаштво на Македонската Православна Црква – Охридска Архиепископија, Јустинијана Прима, и е посветена на светиот Старец Ефрем Филотејски и Аризонски.

Службата посветена на преподобниот Старец Ефрем Филотејски и Аризонски е од типот на таканаречените служби според Типикот на Ерусалимската химнографска традиција, и според својата структура е триделна. Во неа се вклучени празнични стихири од Мала вечерна, Велика вечерна и Утрена.

На Утрената, покрај тропарот, седалните, светилните и хвалитните стихири, се застапени и два канона, првиот на глас 4, подобен: Ἀνοίξω τὸ στόμα μου., со акростих: „Те воспевам во денот на покојот твој“; и вториот, на глас 8, подобен: Ὑγράν διοδεύσας., со акростих: „Со твоите молитви, молитвен дар [за нас] измоли“.

Мелодиските формули се според моделот на светогорските празнични песнопенија предназначени за сеноќните бденија.

Ова, всушност, е прва служба (последование), оригинално напишана на македонски јазик, според правилата на византиската химнографска традиција, и е посветена на светиот и преподобен отец наш Ефрем Филотејски и Аризонски, во чест на неговото успение (25 ноември / 8 декември).

 3.angeli.so.truba

***

Каков, од венци, свет песнопој,*

да исплетеме, Ефреме свети?*

Ти кој со молитвата, духовно,*

вознесен беше до Сонцето,*

срцето го смекна како восок,*

и дух,* смирен, ти си стекнал, внатре, во него,*

ко сад,* исполнет со молитва, благодатно,*

извор на утеха стана,* за нас рајска храна,*

како скапоцен и свет дар,*

во домот, молитвено пред Бога,*

за сите преславно.*

Каков, со песни, глас пофален,*

да запееме, Ефреме свети?*

Животот на молитва посветен,*

твоето тело го освети,*

стоејќи неуморно пред Бога,*

без страв,* тајник созерцателен си постанал,*

без глас,* ти во умиление си пребивал,*

затоа, немој да запреш,* да се молиш, за нас,*

пред Спасителот и Бог наш,*

за оние, сега што ти пеат,*

и слават, восхитно.*

 
3.angeli.so.truba 

Каков, од песни дар, достоен,*

да принесеме, Ефреме свети?*

Ти кој преку љубов Божествена,*

посвети многу во молитва,*

стоејќи неуморно пред Бога,*

без страв,* сите искушенија ги совлада,*

и смел* молитви постојано си кажувал,*

затоа немој да запреш,* да се молиш за нас,*

пред Спасителот и Бог наш,*

за оние сега што ти пеат,*

и слават, тајнику.*

Слава: Глас 6. (самогласен)

Во денот на твоето успение,

вселената доби нов молитвеник пред Господа.

Со благодатта Божја, окрилен,

си ги презрел сите грижи овоземни.

Себепосветен на молитва,

сотрудник на благодатта бидна

и апостолски дарови прими.

Со промислата Божја, си ја посетил Канада и Америка,

на монашкиот живот таму, сред безводната пустина,

ти си поставил цврста основа,

и по целата земја си родил многу чеда духовни.

Празнуј, отче Ефрем, преподобен,

зашто сега во Царството на Господа,

ти си другар на Христа;

Него моли Го, да ги спаси

и помилува душите наши.

(извадок од Велика вечерна)

3.angeli.so.truba

 Извор: http://www.mpc.org.mk/MPC/SE/vest.asp?id=7356

 8ми декември 2020 лето Господово

Source: https://preminportal.com.mk/duhovnost-2/zhitija/23727-zhitie-pesneno-posledovanie-i-moleben-kanon-kon-prepodobniot-i-bogonosen-otec-nash-efrem-filotejski-i-arizonski-07-12-2020

Share:

Example User

Placeat id pariatur et eos et nostrum. Voluptas cupiditate non sunt. Iusto impedit dolorum eaque deleniti molestiae numquam praesentium. Voluptas eligendi nulla quo ipsa dicta maiores accusamus. Voluptate impedit et voluptas id magni. Magnam vero autem autem accusantium nesciunt. Sunt ad quas atque aut dolorum. Voluptatibus similique quidem culpa cumque quia officiis nisi.

All author posts

Related Posts

Image Description
4 years ago

Мироточение на свети Димитриј во 1987 година

 Мироточение на свети Димитриј во 1987 година Во овој текст ќе си спомнеме за чудото на мироточење на свети Димитриј во светиот храм во Солун, 1987 година, како што раскажува ѓаконот на храмот и денешен свештеник во светиот храм „Успение на Пресвета Богородица“ во областа Четириесет цркви во С...

Image Description
4 years ago

За свети Павле Препрости (4/17 октомври)

Преподобен Павле Препрости [„Св. вмч. Георгиј“, Старо Нагоричане, ѓаконикон] Блажениот Павле имал дар на прозорливост. Во една прилика, влегувајќи во еден манастир, застанал покрај црквата и набљудувал со какви мисли влегувале луѓето во неа. Имало вечерна служба и сите влегувале во црквата со ведри...

Image Description
9 months ago

28. Недела… Дедо Наум – „Господи, просветли ја мојата темнина!“

“Во денешното евангелско четиво опишани се две состојби. Првата состојба е кога слепиот повикува кон Богочовекот Исус Христос: „Исусе, Сине Давидов, помилуј ме!“ Оваа состојба го покажува првиот степен од духовниот раст – чистење на срцето од страстите. За овој степен знаеме дека се карактеристични...