БОГ НИКОГАШ НЕ ГРЕШИ

Example Super-Admin User · 10 months ago

    2 minutes, 5 seconds


TviTER112

БОГ НИКОГАШ НЕ ГРЕШИ

BOGORODICA.KP1
                При секоја тешкотија и искушение во животот бараме виновник. Секогаш постои некој кој е виновен за секоја мака која што се случува во нашите животи. Но, зошто кога сè оди добро, не прашуваме кој е причината за доброто во нашите животи? Никогаш не го поставуваме тоа прашање. Во тешкотиите пак, бараме виновници и вообичаено другите се виновни: Господ, ѓаволот, моите родители, пријателите, мојот сопруг, мојата сопруга, моите деца, моите соседи, моите соработници и мојот шеф. Понекогаш и јас сум виновен. Иако позади сето ова криминализирање на секого за злото кое се случува во нашите животи, ние всушност извикуваме една вистина без зборови: „Ме измори моето јас!“. Едноставно другите ги правиме огледала за да го кажеме тоа кое реално го чувствуваме за себеси. Преку другите го излеваме гневот што го чувствуваме кон себеси.

HRISTOS.slepiot.golekuva


             Христос стои пред еден човек кој е роден слеп. Учениците и народот збунето го гледаат овој измачен човек и си го поставуваат прашањето: „Кој згрешил, тој или неговите родители, што се родил слеп?“ (Јован 9:2). Кој Господи е виновен? Кој е виновен што овој човек се родил слеп? И го добиваат Христовиот одговор: „Никој“, тоа стана за да се јави Божјата слава.

HRISTOS.slepiot.golekuva1


             Престанете, им вели Христос, да барате виновници, погледнете подалеку од биполарната „вина - невиност“, надвор од играта на вашиот ум „добро - лошо“, „добар - грешен“. Има толкувања и објаснувања кои го надминуват вашиот ум. Тие не се вклопуваат во вашата етика и логика. Зошто да не ги прифатите? Вашиот ум не може да објасни сè. Може да направи многу, но не се. Има работи кои учествуваат во еден подлабок Божји план кој вие не можете да го протолкувате. Таму нема добри и лоши, виновни и невини, крадци и полицајци. Го нема лошото дете кое треба да биде казнето.
            Таму постои нешто подлабоко, кое, иако изгледа неразбирливо, е апсолутно хармонично и смислено. Довери се на Бога, чекај со трпение и молитва, остави се и ќе почувствуваш, поверувај и со срцето ќе го видиш она што твојот ум не може да го поднесе.
Пред извесно време во Солун запознав две слепи жени. Дојдоа на едно од моите предавања. На крајот чекаа да ме поздрават. Никогаш не сум видел посветли лица, исполнети со светлина и радост. Се зачудив: што да им кажам? Не морав ништо да кажам. Едната се наведна до увото и ми шепна: „Не се вознемирувај, оче. Од денот кога го изгубив видот, го видов Христос. Ослепувањето, оче, беше најголемиот благослов во мојот живот. Господ никогаш не греши, оче мој…“.
             Вечерта во молитвата поразен изговорив: „Кој знае или може да ги објасни Твоите планови, Боже? Кој може да одговори на Твоите непознати одлуки? Ти си парадоксален Бог, Бог на изненадувања, Бог полн со пресврти. Целиот си едно чудо. Господи, слава Ти!".


        Отец Харалампиј Пападопулос

       За Преминпортал Симеон Стефковски

9ти јуни 2024 лето Господово

 

 

 

Source: https://preminportal.com.mk/duhovnost/duhoven-azbuchnik/27085-bog-nikogash-ne-greshi

Share:

Example Super-Admin User

Aut dolor fugit impedit incidunt. Unde repellat commodi illum voluptas. Quisquam consequatur autem quae ipsam. Corporis voluptate aspernatur minus omnis. Maiores aut fugit mollitia eaque. Praesentium facere alias dicta delectus et rerum. Dolorem animi cum cumque accusantium vel autem. Eos iste reprehenderit et odit eius voluptas modi. Sequi dolorum dolorem inventore saepe quibusdam. Impedit in est repudiandae consequatur fugit fugit. Dolorem et illum neque aut sint et.

All author posts

Related Posts

Image Description
10 months ago

Архимандрит Рафаил Карелин - Апокалиптичен самрак

  Зошто во последно време наркоманијата поприми размери на епидемија - бела чума, која стотици милиони луѓе ги претвора во психички и физички инвалиди, во живи трупови? Зошто роднините не се радуваат на средбите? Зошто зборот пријателство исчезнува, а го заменува друг збор „партнерство“, без о...

Image Description
10 months ago

Зошто на денот на свети Василиј, месиме василопита и ставаме паричка (златник)

Историјата на «василопитата» е еден настан, кој се случи во IV век во градот Кесарија Кападокиска, во Мала Азија. Во тоа време, свети Василиј Велики беше епископ на Кесарија и живееше во единство со неговите сограѓани, со љубов, разбирање и помагање еден на друг. Еден ден, кога Јулијан Отстапникот,...

Image Description
1 month ago

Матушка Салафаила

  Матушке...Матушке .... тешко ми е да пишувам за тебе. Ти  знаеш дека ми е тешко да пишувам за тебе, оти сум крајно недостоен. И знаеш…  некој ќе го протолкува ова како лажно смирение, нека не го толкува, такво е...Смирен е само Нашиот Господ. Света Старице... твојот подвиг ме поразувa, не на...