Од чувствителност до злоба може да се пристигне брзо, ако не сте внимателен или заведен од лошо друштво
Групите многу влијаат на децата. Кога бев млад, имав љубов во мојата природа. Почнав да одам насекаде со животните и гледав да го земам едното животното и другото по раце и да го ставам брат ми на рамо.
Еднаш мојот брат уби птица и јас многу се изнервирав и го искарав. Потоа ја зедов малата птица и ја закопав плачејќи.
За тоа време се дружев со деца на моја возраст, отидовме во шума, се молевме, читавме Псалтир, постевме. Тогаш нивните мајки почнаа да не им дозволуваат да се дружат со мене.
Не се дружете со него, им рекоа, ќе ве убие.
Така ме оставија и се чувствував сам. Веќе ме исмеваа: монахот од овде, ме викаа, монах од таму, ми го направија животот мачење.
Еднаш дојдов до точка што не можев да го поднесам потсмевот. Тогаш реков и јас: Ќе одам со поголемите деца и ќе се преправам.
Така почнав да се дружам со постари деца. Добив гума и направив прачка.
Отпрвин демек ставав белег само со прачката. Потоа добив камен и станав најдобар стрелец.
Еднаш, штом убив птица и ја видов убиена, се вразумив. Ја фрлив прачката и камењата.
Ти плачеше, си реков, кога брат ти уби птица, и го искарав што ја убил, а сега до каде дојдов? Убивам птици и малку по малку ќе завршам со убивање и животни.
Навистина, ако продолжам вака, би продолжил да ловам животни и потоа да ги одерам. Од чувствителност до каква злоба може да се дојде, ако не се внимава и те заведе лошото друштво!
Додека, доброто друштво многу помага. Бог ги исполнил луѓето со различни дарови. Човекот, како што ја гледа лошата страна на другите, може да ја гледа и нивната доблест и да стане како нив.
Свети Пајсиј Светогорец
Source: https://poukinasvetitestarci.blogspot.com/2024/10/blog-post_91.html
