Секој се самооправдува; има ли некој – да се покае? (Дедо Наум)

Example Admin User · 2 years ago

    1 minute, 46 seconds


Од денешното евангелие (Лука 18, 18–27) можеме да извлечеме неколку поуки.

Страста што Лекарот на нашите души и тела ја посочува како пречка за очистување и просветлување на младичот е среброљубието:

„Ако сакаш да бидеш совршен, оди, продај го имотот свој, раздели го на сиромаси и ќе имаш сокровиште на небото, па дојди и врви по Мене!“

Советот што Богочовекот Христос му го даде на младичот не е толку поради тоа што навистина очекуваше од него да го исполни повикот за совршенство, туку само за да го освести дека ги нема исполнето доволно ниту останатите заповеди што тој тврдеше дека ги запазил.

Доколку навистина ги имаше исполнето заповедите, младичот ќе го беше поминал патот на очистување, ќе беше просветлен и, како и во некои други примери во Евангелието, ќе Го познаеше Господ во учителот (како што тој Го нарече) Исус и ќе имаше сила да тргне по Него.

Затоа, неговите зборови

„што ми е уште потребно за да имам живот вечен?“ (Матеј 19, 16) не се ништо друго, освен обично самооправдување и показател на високо мислење за самиот себе, пример за мнение.

Веќе се открива и вториот проблем на младичот – гордоста.

Поради таа прелест на мнение и поради страста среброљубие, младичот и се оддалечува нажален од Христос, мислејќи дека сè направил како што треба, а ете – останува неразбран, незабележан и непризнат.

Познато, нели?

Наместо да Му биде благодарен.

Вакво нешто се случува и со нас, посебно кога на некој прекор од нашиот духовен отец, наместо да ја препознаеме нашата слабост, да побараме прошка и да се поправиме, ние се самооправдуваме, објаснувајќи што и како се случило – без да бидеме прашани.

А сè што се бара од нас во тој момент, без разлика дали прекорот ни изгледа или навистина е неправеден, е да одговориме со зборот „прости“ – со прифаќање на прекорот, а со тоа и на Божјата очистувачка несоздадена енергија што ја носи словото на духовникот.

И, никој не е богат само затоа што поседува богатство, туку само кога правилно располага со даруваното, од Бог, богатство;

како што гледаме во одличниот пример со несправедливиот настојник и неправедното богатство (http://mpc.org.mk/MPC/SE/vest.asp?id=7353).

Затоа и сериозно сфатете, пред секое причестување со Бог, најдете некој што страда и конкретно помогнете му – колку што сакате; инаку, наместо со Бог, ќе се причестите само со уште поголема прелест и ќе пострадате.

Убаво е да постите и да се молите, но Бог, пред сѐ, милост бара, а не жртва!

Пресвета Богородице, спаси нѐ!
Митрополит Струмички Наум

Source: https://pokajanie.mk/2021/01/03/30348/

Share:

Example Admin User

Numquam earum rerum voluptas dolorum est est dolore. Sint aliquid provident voluptas laboriosam in id tenetur. Natus reiciendis voluptates ipsum itaque et nulla at. Explicabo et qui dolorem a odio placeat minus. Debitis delectus expedita voluptatem dicta earum aut. Quia ut maxime voluptatem voluptas. Doloribus tempora repellendus at voluptas.

All author posts

Related Posts

Image Description
9 months ago

Митрополит Струмички Наум: Преображение Господово (18.08.2022)

Митрополит Струмички Наум:Преображение Господово (18.08.2022 15:39) Кога би ги прашале луѓето во црква, кои го празнуваат денешниот празник, зошто сме собрани овде, тие веднаш би одговориле дека денес е Преображение Господово. Не велам дека одговорот не е точен, но морам да кажам дека бара светооте...

Image Description
1 year ago

Митрополит Струмички Наум: Кој се допре до Мене? (04.12.2021)

Митрополит Струмички Наум: Кој се допре до Мене? (04.12.2021 16:51) „А кога одеше Исус, народот се туркаше во Него. И една жена, која страдаше дванаесет години од крвотечение, и сиот свој имот го беше потрошила по лекари, а ниеден не можел да ја излекува, пристапувајќи одзади, се допре до крајот на...

Image Description
2 years ago

Митрополит Струмички Наум: Светилникот на нашето време (11.01.2021)

  Отец Гаврил, од Лесновскиот манастир, беше голема утеха за малкуте вистински христијански заедници (христијани со свој духовен отец, со правило за духовен подвиг, кои редовно постеа, се исповедаа и се причестуваа), кои во тоа време, од 1983 до 1987 година (годините што ги поминавме заедно), в...