Свети Винок, игуменот од Вормхулт

Example User · 3 years ago

    0 minutes, 59 seconds


СПОМЕН НА ПРЕПОДОБНИОТ ОТЕЦ ВИНОК, ИГУМЕНОТ ОД ВОРМХУЛТ, ЧИЈ СПОМЕН ЦРКВАТА ГО СЛАВИ НА 6 НОЕМВРИ

(640-717; Winnoc of Wormhout)

Преподобниот Винок,[1] за кого житијните податоци говорат дека по потекло е Британец, бил потомок на кралско семејство. Своето детство тој го поминал во Бретанија, како и многу други тогашни деца, кои на континентот пребегнале во времето на саксонските напади. Од свети Бертан бил замонашен во манастирот во Ситје, па заедно со уште тројца сопатници, бил испратен да основа манастир среде Морини, во областа Вормхулт, во околината на Дункерк. По основањето на манастирот, тој бил поставен за прв негов игумен и им ја донесол Благата Вест на жителите на овој крај. Името на свети Винок фигурира во многу средновековни англиски календари. Најверојатно, во негова чест е наречено и местото Сает-Винов, во околината на Лоствитил.

Свети Винок во иконографијата е насликан како игумен, кој во своите раце држи мелница, а во подножјето има скиптар и круна. Околу него се сликаат црква и мост, а некогаш е насликан и заедно со свети Бертан.

Свети Винок е прославен како заштитник на мелничарите, а молитвено е повикуван од болните кои имаат треска, болните од грло и кога е сушен период.

Православната Црква неговиот спомен го прославува на 6 ноември според Јулијанскиот календар.


[1] Винок (древноанглиски) = победник.

Source: https://blagovesti.wordpress.com/2021/02/08/%d1%81%d0%b2%d0%b5%d1%82%d0%b8-%d0%b2%d0%b8%d0%bd%d0%be%d0%ba-%d0%b8%d0%b3%d1%83%d0%bc%d0%b5%d0%bd%d0%be%d1%82-%d0%be%d0%b4-%d0%b2%d0%be%d1%80%d0%b

Related Posts

Image Description
3 years ago

Собор на Пресвета Богородица

  Христос се роди! Бог се воплоти! Светот полека започнува да се смирува од новогодишната и псевдо-божикната хистерија која владееше во минатите неколку дена. Сите народи на земјата, на еден или друг начин, и на еден или друг датум (па дури и час), го празнуваа Рождеството Христово, и настапува...

Image Description
3 years ago

Предание за чудотворната Иверска икона на Богородица, наречена Портаитиса – Вратарница

  Во IX век, во времето на императорот Теофил (829-842), кој бил обземен со иконоборчка ерес, се одвивало жестоко гонење против светите икони. Православните почитувачи на светињата биле изложувани на измачувања, а иконите биле исфрлани од храмовите и спалувани. Во сите градови и села биле испра...

Image Description
3 years ago

Свети Апостол Јаков Зеведеев

СВЕТИ АПОСТОЛ ЈАКОВ ЗЕВЕДЕЕВ Свети Јаков Зеведеев, познат уште и како Стари (грчки: Ιάκωβος, латински: Iacobus) е еден од дванаесетте апостоли на Исус Христос и е признат за христијански светец. Апостол Јаков е роден во Палестина. Јаков заедно со својот татко и брат биле рибари. Во Евангелието, бра...