Митрополит Струмички Наум:...За контрола и програмирање на умот; и кому, главно, му служи?

Example User · 10 months ago

    1 minutes, 51 seconds


May be an image of 5 people, the Basilica of the National Shrine of the Immaculate Conception and text

Коментар на денешното евангелско четиво:
„Досега ништо не сте барале во Мое име; барајте и ќе добиете, за да биде радоста ваша полна. Ова во параболи ви го кажував; но ќе дојде час, кога нема веќе во параболи да зборувам, туку откриено ќе ве известам за Отецот. Во тој ден ќе побарате во Мое име, и не ви велам, дека Отецот ќе Го помолам за вас; оти Отецот Сам ве милува, зашто вие Ме засакавте и поверувавте дека Јас сум излегол од Бога.“

           Богочовекот Христос ги поучува Своите ученици на кратката молитва: „Господи Исусе Христе, помилуј нè“, како што и секој духовен отец треба да ги подучува своите, т.е. Божјите чеда. Веднаш можеме да забележиме две различни нивоа на односи и на квалитет на молитвата. Прво ниво е додека сме уште во послушание на духовниот отец, на првиот степен од духовниот развој – очистување на срцето од страстите, и нашата молитва е само умно-усна. Што значи дека на ова ниво ни е потребно посредувањето на духовниот отец – и во духовното раководење преку послушанието и молитвено; бидејќи ниту имаме просветлен ум, та самите да го знаеме патот, ниту имаме молитва во сила, што сама се исправа пред Бог. И второ ниво, кога немаме потреба од непосредно духовно раководство, преку послушание на духовен отец, на вториот степен од духовниот развој – просветлување на умот, кое произлегува од умно-срдечната молитва. На ова ниво немаме потреба од посредување на духовниот отец; бидејќи ем имаме просветлен ум – „откриено ќе ве известам за Отецот“, ем имаме молитва во сила – „и не ви велам, дека Отецот ќе Го помолам за вас; оти Отецот Сам ве милува“. Многупати сум пишувал за ова и би требало да ви е јасно. Уште една забелешка само: некои велат дека во „Исусовата молитва“ се содржи Божествена сила, енергија, заради Неговото име — што е точно; некои малку претеруваат во таа смисла, како да е доволно тоа име само да е негде напишано и постојано да се изговара; сѐ е тоа во ред, но без личен однос со Бог ништо тоа не ни помага, да не речам и ќе ни одмогне. А нашиот личен однос со Бог се гледа во нашиот личносен однос кон секој човек што конкретно го среќаваме во животот, посебно кон оние што страдаат и им е потребна нашата помош. Но, за жал, некои повеќе време и сила трошат во виртуелниот свет на социјалните мрежи, на озборување и осудување на личности кои никогаш не ги ни сретнале – таму и чуле за нив или од слични ним, а камоли да ги познаваат, и тука завршува секое служење на Бог. А што почнува, кога знаеме дека тој виртуелен свет е креиран за контрола и програмирање на умот; и кому, главно, му служи?

- Митрополит Струмички Наум

 

 

 

Source: https://preminportal.com.mk/duhovnost/besedi/27113-mitropolit-strumichki-naum-za-kontrola-i-programiranje-na-umot-i-komu-glavno-mu-sluzhi

Share:

Example User

Placeat id pariatur et eos et nostrum. Voluptas cupiditate non sunt. Iusto impedit dolorum eaque deleniti molestiae numquam praesentium. Voluptas eligendi nulla quo ipsa dicta maiores accusamus. Voluptate impedit et voluptas id magni. Magnam vero autem autem accusantium nesciunt. Sunt ad quas atque aut dolorum. Voluptatibus similique quidem culpa cumque quia officiis nisi.

All author posts

Related Posts

Image Description
4 years ago

Поради нив светот сѐ уште и постои! – Потсетник за Богојавление (Митрополит Наум)

Потсетник за Богојавление (17.01.2021 16:58) На две вистини да се потсетиме. Прва, на Богојавление за првпат доаѓа до израз Тајната на новозаветното, царско и есхатолошко свештенство – во ликот и делото на свети Јован Крстител. Свети Јован Крстител не е носител на официјалното и институц...

Image Description
10 months ago

Митрополит Струмички Наум: Недела на светиот Апостол Тома

(Обновено)Недела на светиот Апостол Тома (08.05.2021 15:58)    Колку повисока цел си поставува човекот, вообичаено, толку повеќе достигнува. Така и  Господ нѐ повикува кон остварување на највисоката цел: „Бидете совршени како што е совршен вашиот Отец Небесен“. Значи, не треба да се задоволув...

Image Description
4 years ago

Вера во чуда

Вера во чуда Во денешното Евангелие за исцелението на десетте лепрозни може да видиме повеќе поенти. Јас би зборувал само за една, за чудата и нашиот однос кон нив. Обично кога ќе се случи некое чудо, на пример, како што се случи во Скопје пред некоја година, со мир...