Различни блаженства! (Митрополит Наум)

Example Admin User · 4 years ago

    1 minutes, 50 seconds


Различни блаженства (19.12.2020 17:50)

Слушајте ги блаженствата внимателно, за да ја забележите разликата:

„Кога го виде народот, Он се искачи на планината; а штом седна, учениците Негови се приближија до Него. И кога ја отвори устата Своја, ги поучуваше и говореше:

’Блажени се бедните по дух, зашто нивно е Царството небесно.

Блажени се оние што плачат, оти ќе се утешат!

Блажени се кротките, зашто тие ќе ја наследат земјата!

Блажени се гладните и жедните за правда, оти тие ќе се наситат!

Блажени се милостивите, зашто тие ќе бидат помилувани!

Блажени се чистите по срце, оти тие ќе Го видат Бог!

Блажени се миротворците, зашто тие ќе се наречат синови Божји!

Блажени се гонетите заради правда, бидејќи нивно е Царството небесно!

Блажени сте вие, кога ќе ве срамат и прогонат и кога ќе говорат против вас секакви лоши зборови лажно – заради Мене!

Радувајте се и веселете се, зашто голема е вашата награда на Небесата!‘“ (Матеј 5, 1–12).

Гледате, деца, овие блаженства изречени пред Своите Апостоли, насамо, горе на планината, се разликуваат од блаженствата кои Богочовекот Христос ги говори пред обичниот народ, откако излекува многу болни и опседнати, долу на рамното – како што читаме во денешното евангелско четиво:

„Блажени сте вие, сиромашните, зашто ваше е Царството Божјо! Блажени сте вие што сега гладувате, оти ќе се наситите! Блажени сте вие, кои сега плачете, оти ќе се насмеете!“ (Лука 6, 17–22).

Господ Христос на сите им се обраќа согласно нивото на нивниот духовен развој.

Оние кои водат природен начин на живот – Апостолите, ги поучува како од просветленост да достигнат обожение, а оние кои водат противприроден начин на живот (растројство, неврози), како и оние кои се наоѓаат на степенот од очистување на своето срце од страстите – неопитниот народ, ги поучува како да достигнат до степен на просветлување на умот и да влезат во природниот начин на живот.

Блаженствата од денешното евангелие се однесуваат на христијаните кои не водат активен духовен живот, т.е. на оние кои волно не се подвизуваат или не се подвизуваат доволно, па затоа се подложни на реални неволни страдања:

сиромаштија, глад, страдање (болест) и плач, како и на оние кои ќе претрпат само потсмев и презир, но не и физички прогон, поради Богочовекот Христос.

Затоа Господ, преку устата на Својот пророк Давид, вели:

„Не бивајте како коњ или како маска, кои немаат разум, чија челуст со узда и оглавник се скротува за да ти се покоруваат“ (Псал. 31, 9).

А ако веќе одлучите да сте, барем трпете – тивко и со благодарност.

Пресвета Богородице, спаси нѐ!

Митрополит Струмички Наум

Source: https://pokajanie.mk/2020/12/19/30200/

Share:

Example Admin User

Error facere repudiandae qui aut quia. Nihil incidunt at maiores earum voluptates saepe modi. Aut recusandae qui fuga quaerat iure. Doloremque praesentium inventore natus. Aspernatur doloremque iste voluptas placeat. Incidunt qui quia enim ducimus asperiores aliquam doloribus. Aut voluptatem voluptas earum ducimus neque laboriosam sint.

All author posts

Related Posts

Image Description
3 years ago

Aрхим. Георги Капсанис: ВО ЗНАК НА НАШАТА ЉУБОВ

ВО ЗНАК НА НАШАТА ЉУБОВ           Денес, браќа мои, повторно го слушнавме словото Господово во светото Евангелие: „Кој сака да врви по Мене, нека се одрече од себе, нека го земе својот крст и нека оди по Мене“ (Марко 8:34). Ете, дојдовме до неделата по Воздвижението на Светиот Крст, празник ш...

Image Description
4 years ago

Свети Ѓорѓи Кратовски

СВЕТИ ЃОРЃИ КРАТОВСКИ Свети Ѓорѓи Кратовски остави вечна порака за Македонецот како се брани својата татковина, како се победуваат човечките страдања, како се здобива човечката храброст и како се добива последната победа на земниот живот со силната љубов и вера во Божјата вечна правда и својот народ...

Image Description
4 years ago

Недела по Рождество Христово

НЕДЕЛА ПО РОЖДЕСТВО ХРИСТОВО (Недела на Светите Богоотци) „Ирод, кога виде дека мудреците го измамија, се разгневи многу и прати, та ги уби сите младенци во Витлеем и по целата негова околина од две години и помали“ (Матеј 2: 16) ВО ИМЕТО НА ОТЕЦОТ И СИНОТ И СВЕТИОТ ДУХ! Веста за раѓањето на Спас...